2 Timoti 4
4
Ge Kaisale Wane Don Wele Ra Wakonikene
1Na Kaisale so Kristo Yesu, eŋe Waom zonom gorop gemage lotke more, ŋei seuseune so wisikaune donze rakokeyake, so Kristo Yesu eŋe baŋ ŋei korop eŋane kaitko lotkeki paki, Ŋei Waom naso baŋem ge ariyake, eŋane kaitko ra togole more golatpe. 2Eya wane, ge kisi maep don yewa raulukkene, ŋei eŋe don yewa desikei wane naso mo bomileki, ewekmami me mida, ge siluŋ naso baŋem soringe more, ra edan okanikene. Eŋe wetene maingekei wane, ge main qein ebu makoboe onikene, so eŋe Kaisale wane tanik manik maine yewa mogare gekei wane, ge girem don edane ma togole onikene. Paki, ge naso baŋem bau wawa midaine urataŋone bororom ma more, kito edanikene. 3Baŋ ŋado naso bomileki, ŋei eŋe don wele yewa ketene more, bau wawa okanbi paki, mi desikei, midakaka, eŋe baŋ enŋene wet dereretene yewa mogasikei, paki eŋe edomka kito eboebonkopene zok manerop ebuwi, sari more enŋene weteneŋo onokaka desikei wane zilik ongi, simile onmaike, yewa baŋ edanikei. 4Eŋe baŋ Kaisale wane don wele yewa ŋadek kaikei, paki ket wetene more nemu kisi so don yauwine yewa desikei. 5Ŋo ge yemo naso baŋem diyamŋone togogole maikene, paki wikile kinekine kutŋono waki, togole more teweke okorakene. Ge kisi maep don yewa ra wakone, ŋei edanikenane urataine mauluke maikene. Ge Kaisale wane qelit ŋei gemainane, urata ŋone korop mauluke ma warekene.
Uratane Mo Qoeyakane Okan Maike
6Ŋo na kisi maep wane ra more kepe ŋei edo nekuwi seukkalane, naso mo iwa sarimaike, na gege iwa qeligewe paki, arikalane naso mo iwa bomilemaike. 7Na bat sobeŋine mayakatne biririke sarikole, wane ukude yemo na mo dagopnao lotkemaile. Na mali malipne togogole warekakole. 8Wane ukude yemo togole more yuwane lewine mama, yewa mo tomanane metmaike, yewa mo koboboine gege wane marok, eya Waom, Wano wanok kobobine, oŋo baŋ naso suwaine yewao niniyake. So na naeka mi niniyake, ŋei natne eŋe sari lotkeki kaikei wane rau paki, wet maep korop tomaka gemami, eŋe weneŋ korop eboniyake.
Don Sotakine Natne
9Ge esatkamde naŋano sarikene. 10Demas eŋe kepe aboŋ wane simile zok detki paki, na qeliŋnane more Tesalonaika matko arike. Keresens eŋe Galatiya matko arike, ŋo Titus eŋe Dalimatiya matko arike. 11Luka wekuŋo narop gemaike, eya wane ge Mareko weneŋ ma iwenkanom sarikeik, onoka wane oŋo na urata maine qesiŋ naniyake. 12Na Tikikus talekawe Epeso matko arike. 13Ge sarikenane okane, so naŋane momo takotne Troas matko Karpus wane urumgo more sarikole, yewa weneŋ ma sarikene. Ekapne suwaine qeuwaŋ qeuwaŋine so osom solaineŋo mamaine, yewa weneŋ ma sarikene. 14Alekzander, aenŋo kinekine ma okanmaike, ŋei oŋo masi qotkoine zok okannange, masi qotkoine okan nange, eya wane turuŋine baŋ Waomŋo maniyake. 15Ge yalewaka eŋane diyam togogole weneŋ maikene, eŋe ŋenane don zok manerop ma biraki ketke. 16Mikepka naŋane don urata na mulap urumgo wakesikalane okangole, naso yewa wakongi, ŋei maneŋo naŋane osono okora more mi qesiŋnange, midakaka, eŋe korop kakaknane ari warekoi. Kaisaleŋo eya wane turuŋine maine mi eboniyake. 17Ŋo Waomŋo yemo kisi maep don ra suwawe qelaŋ ŋei korop eŋe detluk warekei wane raki paki, na qesiŋnane more ma togolenange, paki mulap urum wane ware wareŋo rake, laionŋo ne nangi siukewerap, ŋo Waomŋo numa eya leŋge. 18So Waom eŋe baŋ bori kinekine kine korop eya wane ŋetno ŋine makok naniyake, paki tikŋaneŋ neu sesenane more, eŋine qeliwo ware ware mat urum kotino birananiyake, eŋano qeli ewe zonomŋo naso baŋem naso baŋem pa ariyake! Weleka. 19Na Prisila so Akila so Onesiporus wane kimakoune, eŋane weneŋ wetke more, “kaiwe maine” ramaile, yewa ge weneŋ edanikene. 20Erastus eŋe Korinti matko metke, ŋo na Tropimus birakawe Miletus matko zoma kaki metke. 21Ge kepe maine pamaike oka esatka sarikene. Eubulus, Pudens, Linus, so Klaudiya so kimakopŋone natne, eŋe geŋane “kaiwe maine” rau sarimaike. 22Waomŋo asuŋonerop geyake, Kaisale wane wet menaŋŋo korop ŋinano takorakot payake.
Iliyochaguliwa sasa
2 Timoti 4: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Timoti 4
4
Ge Kaisale Wane Don Wele Ra Wakonikene
1Na Kaisale so Kristo Yesu, eŋe Waom zonom gorop gemage lotke more, ŋei seuseune so wisikaune donze rakokeyake, so Kristo Yesu eŋe baŋ ŋei korop eŋane kaitko lotkeki paki, Ŋei Waom naso baŋem ge ariyake, eŋane kaitko ra togole more golatpe. 2Eya wane, ge kisi maep don yewa raulukkene, ŋei eŋe don yewa desikei wane naso mo bomileki, ewekmami me mida, ge siluŋ naso baŋem soringe more, ra edan okanikene. Eŋe wetene maingekei wane, ge main qein ebu makoboe onikene, so eŋe Kaisale wane tanik manik maine yewa mogare gekei wane, ge girem don edane ma togole onikene. Paki, ge naso baŋem bau wawa midaine urataŋone bororom ma more, kito edanikene. 3Baŋ ŋado naso bomileki, ŋei eŋe don wele yewa ketene more, bau wawa okanbi paki, mi desikei, midakaka, eŋe baŋ enŋene wet dereretene yewa mogasikei, paki eŋe edomka kito eboebonkopene zok manerop ebuwi, sari more enŋene weteneŋo onokaka desikei wane zilik ongi, simile onmaike, yewa baŋ edanikei. 4Eŋe baŋ Kaisale wane don wele yewa ŋadek kaikei, paki ket wetene more nemu kisi so don yauwine yewa desikei. 5Ŋo ge yemo naso baŋem diyamŋone togogole maikene, paki wikile kinekine kutŋono waki, togole more teweke okorakene. Ge kisi maep don yewa ra wakone, ŋei edanikenane urataine mauluke maikene. Ge Kaisale wane qelit ŋei gemainane, urata ŋone korop mauluke ma warekene.
Uratane Mo Qoeyakane Okan Maike
6Ŋo na kisi maep wane ra more kepe ŋei edo nekuwi seukkalane, naso mo iwa sarimaike, na gege iwa qeligewe paki, arikalane naso mo iwa bomilemaike. 7Na bat sobeŋine mayakatne biririke sarikole, wane ukude yemo na mo dagopnao lotkemaile. Na mali malipne togogole warekakole. 8Wane ukude yemo togole more yuwane lewine mama, yewa mo tomanane metmaike, yewa mo koboboine gege wane marok, eya Waom, Wano wanok kobobine, oŋo baŋ naso suwaine yewao niniyake. So na naeka mi niniyake, ŋei natne eŋe sari lotkeki kaikei wane rau paki, wet maep korop tomaka gemami, eŋe weneŋ korop eboniyake.
Don Sotakine Natne
9Ge esatkamde naŋano sarikene. 10Demas eŋe kepe aboŋ wane simile zok detki paki, na qeliŋnane more Tesalonaika matko arike. Keresens eŋe Galatiya matko arike, ŋo Titus eŋe Dalimatiya matko arike. 11Luka wekuŋo narop gemaike, eya wane ge Mareko weneŋ ma iwenkanom sarikeik, onoka wane oŋo na urata maine qesiŋ naniyake. 12Na Tikikus talekawe Epeso matko arike. 13Ge sarikenane okane, so naŋane momo takotne Troas matko Karpus wane urumgo more sarikole, yewa weneŋ ma sarikene. Ekapne suwaine qeuwaŋ qeuwaŋine so osom solaineŋo mamaine, yewa weneŋ ma sarikene. 14Alekzander, aenŋo kinekine ma okanmaike, ŋei oŋo masi qotkoine zok okannange, masi qotkoine okan nange, eya wane turuŋine baŋ Waomŋo maniyake. 15Ge yalewaka eŋane diyam togogole weneŋ maikene, eŋe ŋenane don zok manerop ma biraki ketke. 16Mikepka naŋane don urata na mulap urumgo wakesikalane okangole, naso yewa wakongi, ŋei maneŋo naŋane osono okora more mi qesiŋnange, midakaka, eŋe korop kakaknane ari warekoi. Kaisaleŋo eya wane turuŋine maine mi eboniyake. 17Ŋo Waomŋo yemo kisi maep don ra suwawe qelaŋ ŋei korop eŋe detluk warekei wane raki paki, na qesiŋnane more ma togolenange, paki mulap urum wane ware wareŋo rake, laionŋo ne nangi siukewerap, ŋo Waomŋo numa eya leŋge. 18So Waom eŋe baŋ bori kinekine kine korop eya wane ŋetno ŋine makok naniyake, paki tikŋaneŋ neu sesenane more, eŋine qeliwo ware ware mat urum kotino birananiyake, eŋano qeli ewe zonomŋo naso baŋem naso baŋem pa ariyake! Weleka. 19Na Prisila so Akila so Onesiporus wane kimakoune, eŋane weneŋ wetke more, “kaiwe maine” ramaile, yewa ge weneŋ edanikene. 20Erastus eŋe Korinti matko metke, ŋo na Tropimus birakawe Miletus matko zoma kaki metke. 21Ge kepe maine pamaike oka esatka sarikene. Eubulus, Pudens, Linus, so Klaudiya so kimakopŋone natne, eŋe geŋane “kaiwe maine” rau sarimaike. 22Waomŋo asuŋonerop geyake, Kaisale wane wet menaŋŋo korop ŋinano takorakot payake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.