2 Timoti 3
3
Naso Qoi Qoino Masi Umatne Wakoniyake
1Ge iwa yale desikene! Naso qoeyake, naso yewao umat kakapa suwaine wakoniyake. 2Ŋei eŋe baŋ enŋenane simileka desikei, wesi wane simile zok desikei, ŋei eŋe enŋene eŋetene mawa nagukei, so wawaine kinekine okanikei, eŋe Kaisale ewe mabaik okankaikei, nabok magak aŋaene birakei, eŋe ewe mi kitokei, so masi tanik koboboine yewa ŋadek kaikei. 3Eŋe weŋem sota wekopene kima maine mi okan onikei, turuŋ mage more ŋei matali qetali ebukei, sigi qeqe okanikei, gilik gilik kito more ket souŋ souŋine gege. So ŋei engu kito okan onikei. Eŋe tanik manik maine yewa qaisikka more ŋaba kaikei. 4Eŋe baŋ kima kopene eŋane kineene ra wakone more, ŋaba eŋane meto biraonikei. Eŋe wawaine kinekine zok okanikei. So enŋenane detpi, eŋe ŋei wawaine okangi, mawa nagukei. Eŋe baŋ kinekine sinoine sola wane aboŋ, eya wane simile zok dere more Kaisale wane simile mi desikei. 5Eŋe baŋ Kaisale wane don so tanik manik, yewa yemo solaŋoka ma gekei, ŋo Kaisale wane zonomine welekatne yemo ŋadekkaikei. Ge ŋei yaline eŋe kakak onikene. 6Ŋei yaline eŋano ŋine natne eŋe tik peleleke mat baŋem wawa ket ket ari more, ŋerep yau yaup gegeene, so kinekine loutne marat kakoi so bailalaŋŋo waraŋ ongi, ari rasu sari rasu ge okanmami. Yalineŋo eŋane okangei wane, kelok more waraŋon okanmami. 7Ŋerep natne naso baŋem don wele eya wane kine desikei wane, dereret urata ma okanmami, ŋo don wele eya wane kine mi detlukka okanmami. 8Mokaka Yanes so Yamberes ere Mose wane don maketkoik, yalewaka ŋei, eŋe wetene siuk siukinane mali malip wane numaine ŋaŋaekau paki, qelaŋ okan okanmami. 9Ŋo siluŋ eŋe kinekine oka okaneeneŋo eri manerop mi kirowone kereyake, onoka wane wet qelaŋ gemami, eya wane kine baŋ didiwo wakongi, ŋei korop eŋe kawarekei, yemo alakan Yanes so Yamberes erano wakonge, eya wane rokop.
Ge Kaisale Wane Don Togogole Malipkaikene
10Ŋo ge yemo narop ge more, naŋane don raranane kine, gegenane tanikine, urata mamanane numaine, mali malipne, wet menaŋne, wet maepne, sorin borinne, ge mo korop kakone. 11Sulu kinekine okan nangoi, so wikile kinekinene korop wakon nange, ge yewa mo detka waremaine, Antiok matko so Ikonium matko so Listra matko sulu pasi okan nanbi, wikile zok manerop detkole! Ŋo Waomŋo yemo siluŋ yalinane ŋetno ŋine korop makok nanwareke. 12Ŋei korop eŋe gegeene koboboine Kristo Yesurop takotke gekei wane onmaike, eŋe baŋ sulu kinekine weneŋ wakon oniyake. 13Ŋo ŋei borikine so isi ŋei eŋe baŋ ŋei isi onikei, pakimo, Ŋei Borikineŋo enŋene yalewaka isioniyake, isisi urata yale ma arimage, baŋ borilukkei. 14Ŋo geŋane yemo iwa yale, ge yemo don welekatne kito ginbe dere more malip kakone, yewao takotke togole okorakene, ge ŋeiwa maŋo kito golatke, yewamo ge mi ŋaŋae kamaine. 15So ge mo detmaine, ge medep nigatneka ge more, ekap koboine yewa dapore det okane sa gemainane, yewaŋo wetŋone ma qelaŋangi, kristo Yesu detlukka more, mena menaŋ maine marat kaikene. 16Ekap korop yewa Kaisale wane Asuŋo ŋei eŋane wet derereteno motki ekapko qekoi, ma wakon wareke, don yewaŋo dereret mayakatne ŋeboniyake, so borikineze sikan ŋoniyake, so gegeze makoboeyake, paki, masi tanik koboboine eya wane kito sikan ŋoniyake. 17Yale okan ŋongi paki, ma ewek ŋonmaŋki, ŋene Kaisale wane ŋei wele okane eweke more, urata kinekine mayakatne maine ma wakon warekene.
Iliyochaguliwa sasa
2 Timoti 3: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Timoti 3
3
Naso Qoi Qoino Masi Umatne Wakoniyake
1Ge iwa yale desikene! Naso qoeyake, naso yewao umat kakapa suwaine wakoniyake. 2Ŋei eŋe baŋ enŋenane simileka desikei, wesi wane simile zok desikei, ŋei eŋe enŋene eŋetene mawa nagukei, so wawaine kinekine okanikei, eŋe Kaisale ewe mabaik okankaikei, nabok magak aŋaene birakei, eŋe ewe mi kitokei, so masi tanik koboboine yewa ŋadek kaikei. 3Eŋe weŋem sota wekopene kima maine mi okan onikei, turuŋ mage more ŋei matali qetali ebukei, sigi qeqe okanikei, gilik gilik kito more ket souŋ souŋine gege. So ŋei engu kito okan onikei. Eŋe tanik manik maine yewa qaisikka more ŋaba kaikei. 4Eŋe baŋ kima kopene eŋane kineene ra wakone more, ŋaba eŋane meto biraonikei. Eŋe wawaine kinekine zok okanikei. So enŋenane detpi, eŋe ŋei wawaine okangi, mawa nagukei. Eŋe baŋ kinekine sinoine sola wane aboŋ, eya wane simile zok dere more Kaisale wane simile mi desikei. 5Eŋe baŋ Kaisale wane don so tanik manik, yewa yemo solaŋoka ma gekei, ŋo Kaisale wane zonomine welekatne yemo ŋadekkaikei. Ge ŋei yaline eŋe kakak onikene. 6Ŋei yaline eŋano ŋine natne eŋe tik peleleke mat baŋem wawa ket ket ari more, ŋerep yau yaup gegeene, so kinekine loutne marat kakoi so bailalaŋŋo waraŋ ongi, ari rasu sari rasu ge okanmami. Yalineŋo eŋane okangei wane, kelok more waraŋon okanmami. 7Ŋerep natne naso baŋem don wele eya wane kine desikei wane, dereret urata ma okanmami, ŋo don wele eya wane kine mi detlukka okanmami. 8Mokaka Yanes so Yamberes ere Mose wane don maketkoik, yalewaka ŋei, eŋe wetene siuk siukinane mali malip wane numaine ŋaŋaekau paki, qelaŋ okan okanmami. 9Ŋo siluŋ eŋe kinekine oka okaneeneŋo eri manerop mi kirowone kereyake, onoka wane wet qelaŋ gemami, eya wane kine baŋ didiwo wakongi, ŋei korop eŋe kawarekei, yemo alakan Yanes so Yamberes erano wakonge, eya wane rokop.
Ge Kaisale Wane Don Togogole Malipkaikene
10Ŋo ge yemo narop ge more, naŋane don raranane kine, gegenane tanikine, urata mamanane numaine, mali malipne, wet menaŋne, wet maepne, sorin borinne, ge mo korop kakone. 11Sulu kinekine okan nangoi, so wikile kinekinene korop wakon nange, ge yewa mo detka waremaine, Antiok matko so Ikonium matko so Listra matko sulu pasi okan nanbi, wikile zok manerop detkole! Ŋo Waomŋo yemo siluŋ yalinane ŋetno ŋine korop makok nanwareke. 12Ŋei korop eŋe gegeene koboboine Kristo Yesurop takotke gekei wane onmaike, eŋe baŋ sulu kinekine weneŋ wakon oniyake. 13Ŋo ŋei borikine so isi ŋei eŋe baŋ ŋei isi onikei, pakimo, Ŋei Borikineŋo enŋene yalewaka isioniyake, isisi urata yale ma arimage, baŋ borilukkei. 14Ŋo geŋane yemo iwa yale, ge yemo don welekatne kito ginbe dere more malip kakone, yewao takotke togole okorakene, ge ŋeiwa maŋo kito golatke, yewamo ge mi ŋaŋae kamaine. 15So ge mo detmaine, ge medep nigatneka ge more, ekap koboine yewa dapore det okane sa gemainane, yewaŋo wetŋone ma qelaŋangi, kristo Yesu detlukka more, mena menaŋ maine marat kaikene. 16Ekap korop yewa Kaisale wane Asuŋo ŋei eŋane wet derereteno motki ekapko qekoi, ma wakon wareke, don yewaŋo dereret mayakatne ŋeboniyake, so borikineze sikan ŋoniyake, so gegeze makoboeyake, paki, masi tanik koboboine eya wane kito sikan ŋoniyake. 17Yale okan ŋongi paki, ma ewek ŋonmaŋki, ŋene Kaisale wane ŋei wele okane eweke more, urata kinekine mayakatne maine ma wakon warekene.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.