2 Tesalonaika 3
3
Ŋenane Meŋenkau Kaisaleŋo Qesiŋŋoniyake
1Kimakop, ŋenane rau paki meŋenkau, Waom wane donŋo tako rakotka suwa ariki qeli ewe zonomine ŋinane keu ŋino wakonge, yalewaka wakone ariyake. 2Eso koso yaleka meŋenkau, Kaisaleŋo ŋei borikine mama so tanik manikene qotkoine eŋane meteo ŋine makokŋoniyake, onoka wane ŋine mo detmami, ŋei koropŋo Kaisale wane don dere malipka mi okan okanmami.
3Ŋo Waom yemo raki togole togole, eya wane eŋe baŋ ma togoleŋuniyake so wareŋungi, Ŋei Borikineŋo mi ŋibu teba ŋuniyake. 4So Waomŋo ŋinane raki paki wet pesek ŋebonmaike, ŋene detlukmaine yemo ŋene don ŋidanmaine, yewa ŋine dere ma okanmami, wane ŋene koso don ŋidanŋem ŋine baŋ dere takotke ma okane gekei.
5Waomŋo maine kotoŋine iwenkaki, Kaisale wane wet maep yewa qeirop dere ketpi paki, Kristoŋo togogole okora umat teweke ŋebonge, yewa detluk kaikei.
Urata Kitoqoke Qewoloŋ Ge More Kisi Maep Mage Mage Eyamo Mi Pamaike
6Kimakop, Waomze Yesu Kristo wane eŋetko ŋene togoleka ŋidanŋem detpi, kimakopze doku tautau magu natneŋo taboŋ qewoloŋ ge okanmami, eŋe ŋedo don kito edangone, yewa mi teweke mogare ge okanmami, ŋei yaline eŋe korop kakakŋone arikei. 7Ŋine ŋidom kine mo det-lukwaremami, eya wane ŋene okangone eya wane rokopka ŋine okanikei, ŋene ŋinerop geŋem paki, taboŋ qewoloŋ mi gekone. 8Ŋene ŋei mane wano ŋine sola qesiŋ mane lewine midaine mi omakakone, midakaka, oma kaikenane turuŋine yemo ŋene urata makone, so wikile detkone, kaiwe so ruwoo urata togogole makone paki, natne ŋine wikile urata mi ŋibonikenane, yale okangone. 9Ŋene iwa okangone yemo, ŋene aposolo ŋetne wesi aboŋ wane qesiŋ ŋonikei wane ra ŋunŋem rap, ŋo ŋene ŋinano ŋine sola qesiŋ mane mi ra ŋunŋem ŋebongoi, yem midaka, ŋene eya okangone, yemo ŋine ŋene okangone, yewa kau paki mogare, yalewaka okane gekeiwane numa sikan ŋungone. 10Ŋene ŋinerop ge more, iwayale ŋidangone, “Ŋei mane urata mayakane bauine wakiso, ŋine ŋara misuk manbi neyake!”
11Ŋene don iwa ramaine yemo onoka wane, yem ŋene detŋem, ŋei natne eŋe ŋinane keu ŋino taboŋ qewoloŋ geokanmami, eŋe urata mane mi mama yaup ŋei natne eŋane uratao dongoka welaineŋo qole qole don yauwine rau paki, qeweloŋ geokanmami. 12Ŋene Waom Yesu Kristo wane Pidon wane ŋei yewa togoleka edane more, girem don iwa yale edanŋem detlukkei, eŋe pese ketluke mere urata mau wele wakongi, enŋeno ŋine ŋara doku mane qene okangei. Ŋine yale mi okane more ŋara yaup gumeonikei, yemo ŋine ŋei yewa ŋido numa bile mi sikan-onmami, ŋo ŋine qeliŋone more ŋara mawalukeu, eŋe edom urataine ma ŋara marat-kaikei, yemo maine ŋinano umat mida leleyake.
13Ŋo kimakop, ŋine yemo siluŋ masi tanik maine okanikei wane, bauŋine misuk wayake. 14Yewao ŋei maneŋo don korop kibiwo qe ŋibonmaine, iwa baŋ dere mi tewekeyake, eŋe yale okangiso, ŋine kineine detkau paki, kinekine mane misuk okanka more qeliŋkau, eŋineka geyake. Paki kineine dere baŋ gamukaki, wetine maingeyake. 15Ŋo ŋine ŋaba yale misuk okankaikei, eya wane turuŋine yemo kima ma more, girem don olasikei.
Don Mosop Piwitne
16Waom eŋine, yemo ŋenane peyam wane kine, oŋo naso baŋem peyam maine ma wakone ŋiboniyake paki, ŋinano rokopke ware payake, Waomŋo ŋinerop korop ge wareyake. 17Na Paulo, nae meteneŋo kibi piwitne iwa qe more, kaiwe maine ramaile. Kibi qe okanmaile, korop eya wane mete kibine iwa yale mot okanmaile. 18Waomze Yesu Kristo wane mosopŋo ŋinano korop papa togon pawareyake.
O, Weleka!
Iliyochaguliwa sasa
2 Tesalonaika 3: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Tesalonaika 3
3
Ŋenane Meŋenkau Kaisaleŋo Qesiŋŋoniyake
1Kimakop, ŋenane rau paki meŋenkau, Waom wane donŋo tako rakotka suwa ariki qeli ewe zonomine ŋinane keu ŋino wakonge, yalewaka wakone ariyake. 2Eso koso yaleka meŋenkau, Kaisaleŋo ŋei borikine mama so tanik manikene qotkoine eŋane meteo ŋine makokŋoniyake, onoka wane ŋine mo detmami, ŋei koropŋo Kaisale wane don dere malipka mi okan okanmami.
3Ŋo Waom yemo raki togole togole, eya wane eŋe baŋ ma togoleŋuniyake so wareŋungi, Ŋei Borikineŋo mi ŋibu teba ŋuniyake. 4So Waomŋo ŋinane raki paki wet pesek ŋebonmaike, ŋene detlukmaine yemo ŋene don ŋidanmaine, yewa ŋine dere ma okanmami, wane ŋene koso don ŋidanŋem ŋine baŋ dere takotke ma okane gekei.
5Waomŋo maine kotoŋine iwenkaki, Kaisale wane wet maep yewa qeirop dere ketpi paki, Kristoŋo togogole okora umat teweke ŋebonge, yewa detluk kaikei.
Urata Kitoqoke Qewoloŋ Ge More Kisi Maep Mage Mage Eyamo Mi Pamaike
6Kimakop, Waomze Yesu Kristo wane eŋetko ŋene togoleka ŋidanŋem detpi, kimakopze doku tautau magu natneŋo taboŋ qewoloŋ ge okanmami, eŋe ŋedo don kito edangone, yewa mi teweke mogare ge okanmami, ŋei yaline eŋe korop kakakŋone arikei. 7Ŋine ŋidom kine mo det-lukwaremami, eya wane ŋene okangone eya wane rokopka ŋine okanikei, ŋene ŋinerop geŋem paki, taboŋ qewoloŋ mi gekone. 8Ŋene ŋei mane wano ŋine sola qesiŋ mane lewine midaine mi omakakone, midakaka, oma kaikenane turuŋine yemo ŋene urata makone, so wikile detkone, kaiwe so ruwoo urata togogole makone paki, natne ŋine wikile urata mi ŋibonikenane, yale okangone. 9Ŋene iwa okangone yemo, ŋene aposolo ŋetne wesi aboŋ wane qesiŋ ŋonikei wane ra ŋunŋem rap, ŋo ŋene ŋinano ŋine sola qesiŋ mane mi ra ŋunŋem ŋebongoi, yem midaka, ŋene eya okangone, yemo ŋine ŋene okangone, yewa kau paki mogare, yalewaka okane gekeiwane numa sikan ŋungone. 10Ŋene ŋinerop ge more, iwayale ŋidangone, “Ŋei mane urata mayakane bauine wakiso, ŋine ŋara misuk manbi neyake!”
11Ŋene don iwa ramaine yemo onoka wane, yem ŋene detŋem, ŋei natne eŋe ŋinane keu ŋino taboŋ qewoloŋ geokanmami, eŋe urata mane mi mama yaup ŋei natne eŋane uratao dongoka welaineŋo qole qole don yauwine rau paki, qeweloŋ geokanmami. 12Ŋene Waom Yesu Kristo wane Pidon wane ŋei yewa togoleka edane more, girem don iwa yale edanŋem detlukkei, eŋe pese ketluke mere urata mau wele wakongi, enŋeno ŋine ŋara doku mane qene okangei. Ŋine yale mi okane more ŋara yaup gumeonikei, yemo ŋine ŋei yewa ŋido numa bile mi sikan-onmami, ŋo ŋine qeliŋone more ŋara mawalukeu, eŋe edom urataine ma ŋara marat-kaikei, yemo maine ŋinano umat mida leleyake.
13Ŋo kimakop, ŋine yemo siluŋ masi tanik maine okanikei wane, bauŋine misuk wayake. 14Yewao ŋei maneŋo don korop kibiwo qe ŋibonmaine, iwa baŋ dere mi tewekeyake, eŋe yale okangiso, ŋine kineine detkau paki, kinekine mane misuk okanka more qeliŋkau, eŋineka geyake. Paki kineine dere baŋ gamukaki, wetine maingeyake. 15Ŋo ŋine ŋaba yale misuk okankaikei, eya wane turuŋine yemo kima ma more, girem don olasikei.
Don Mosop Piwitne
16Waom eŋine, yemo ŋenane peyam wane kine, oŋo naso baŋem peyam maine ma wakone ŋiboniyake paki, ŋinano rokopke ware payake, Waomŋo ŋinerop korop ge wareyake. 17Na Paulo, nae meteneŋo kibi piwitne iwa qe more, kaiwe maine ramaile. Kibi qe okanmaile, korop eya wane mete kibine iwa yale mot okanmaile. 18Waomze Yesu Kristo wane mosopŋo ŋinano korop papa togon pawareyake.
O, Weleka!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.