2 Tesalonaika 2
2
Borikine Mama Ŋei Eŋe Wakone Ŋei Wet Masiuk Okanone Geki Yesu Lotkeyake
1Kimakop, Waomze Yesu lotke lotkeinane so ŋenze eŋerop weneŋ maratnagu gege wane don iwa yale ŋidanmaile, 2isi ŋei natne eŋe rakoi, Waom sariyakane nasoine mo lotke more yuwanŋunge, yale ra ŋidanbi ŋine ikopka wetŋineŋo misuk dere siukkei, me mi qisekei. Ŋinano ŋine ŋei natneŋo Asu wano more raikei, me ŋenane aŋao more ŋidanikei, me raikei edo kibiwo qe ŋebongoi, yale ŋidanikei. 3Don kinekine yale, me yale ra isiŋunbi misuk desikei, Waom wane Naso ikopka mi bomileyake, alakane kisi maep Matali Qetali Mama Ŋei yewa wakone pakimo, Borikine Mama Ŋei eŋe gerep sorao wane biŋek, ketki zeyakane didiwo wakoniyake. 4Eŋe baŋ ŋei eŋe yeye kinekine korop eya wane ra meŋenka okanmami, so ŋei eŋe yeye kinekine mayakatne ra okanmami, yewa ŋabaka wareyake. Eŋe baŋ eŋine eŋetine mawa naguki paki, natne korop ebu ket biraoniyake, paki Kaisale wane Bakom Urumgo ari waketki paki pese mere eŋinane “na Kaisale” rayake.
5Na ŋinerop gekole, yewao iwa wane mo korop ŋidan warekole, ŋine eya mi detmami me? 6Ŋo iwa yemo wakonbe rakimo, kinekine maneŋo leŋkamaike, eya ŋine mo detkamami, nasoine pamaike, yewao yemo Borikine Mama Ŋei, yewa eŋe baŋ didiwo wakoniyake. 7Borikine eŋe urata mo sanka ma okanmaike, ŋo tanik daleo wakoniyake, eyamo ikop mi wakoniyake. Eŋe paki ŋei mane maŋo mainkaki zinge okanmaike, eya maki masikaniyake. 8Pakimo Borikine Mama eŋe baŋ didiwo wakongimo, Waom Yesu wane Asuineŋo aŋaino ŋine baŋ saketki paki qeyake, paki didiwo sari lotkeyakane qeli ewe zonomineŋo qe kito pelekki siukeyake. 9Borikine Mama Ŋei yewa, eŋe baŋ Ŋei Borikine eŋane zonom yewarop sariyake, paki masi kinekine togole mayake, so tanik kinekine isisine so qotkoine de kuneŋine mayake. 10So ŋei midakei wane biŋek gemami, eŋe borikine maikei wane, wet masiuk okanoniyake, eŋe midakei yemo onoka wane mida, eŋe don wele dere mena menaŋ yewa mi malipka more ŋadekka okanmami, eya wane midakei. 11Kine iwa yalinane, Kaisaleŋo liwe liwek wane zonom suwaine talekaki ket more, ŋei eŋane keueno urata maki, eŋe isi don wele midaine yewa dere malipkaikei. 12Eya wane weleine yemo ŋei korop eŋe don wele eya mi malipkamami, ŋo eŋe eya ŋadeke more borikine-enane simile eyaŋo zok manerop det okanmami, eya wane eŋe baŋ turuŋine wikile zok suwaine manerop marat-kaikei.
Kaisaleŋo Koso Ŋibuyakane Mo Ma Wakonŋunge
13Kimakop, ŋine Waomŋo wet maep okanŋun okanmaike, ŋene eya wane ŋinane Kaisale naso baŋem bakomine kito okanmaine, Kaisaleŋo mokaka koso ŋibuyakane ma wakon ŋunge, yemo Asu wane zonomŋo ŋibuki Kaisale wane ŋei ŋerep magu libe libe okangoi, so mali malipŋineŋo don wele dere malip kakoi, yale okangoi wane, Kaisaleŋo koso ŋibuke. 14Ŋene don maine ŋidangone yewao, Kaisaleŋo ŋidora newan ŋunge, eŋe newan ŋunge, yemo ŋine Waomze Yesu Kristo wane qeli ewe zonom yewa welaine okane ma gekei wane. 15Eso eya wane kimakop, ŋine togogole okorau paki, don wele kito ŋibongone, aŋaŋo ŋidangone, me kibiwo qe ŋibongone, yewa malilipka okorakei.
16Waomze Yesu Kristo oŋom, so Kaisale Magazeŋo wetmaep okan ŋonge, so eŋine wetne mayakakatnane wetpesek papatogon yewa, ŋenane biŋek rake, eya toma kakenane ra ŋebonge. 17Oŋo maine ŋinane kotoŋine maki qaeyake, so ma togoleŋungi togole more urata maineka maikei, so don mayakatneka raikei.
Iliyochaguliwa sasa
2 Tesalonaika 2: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Tesalonaika 2
2
Borikine Mama Ŋei Eŋe Wakone Ŋei Wet Masiuk Okanone Geki Yesu Lotkeyake
1Kimakop, Waomze Yesu lotke lotkeinane so ŋenze eŋerop weneŋ maratnagu gege wane don iwa yale ŋidanmaile, 2isi ŋei natne eŋe rakoi, Waom sariyakane nasoine mo lotke more yuwanŋunge, yale ra ŋidanbi ŋine ikopka wetŋineŋo misuk dere siukkei, me mi qisekei. Ŋinano ŋine ŋei natneŋo Asu wano more raikei, me ŋenane aŋao more ŋidanikei, me raikei edo kibiwo qe ŋebongoi, yale ŋidanikei. 3Don kinekine yale, me yale ra isiŋunbi misuk desikei, Waom wane Naso ikopka mi bomileyake, alakane kisi maep Matali Qetali Mama Ŋei yewa wakone pakimo, Borikine Mama Ŋei eŋe gerep sorao wane biŋek, ketki zeyakane didiwo wakoniyake. 4Eŋe baŋ ŋei eŋe yeye kinekine korop eya wane ra meŋenka okanmami, so ŋei eŋe yeye kinekine mayakatne ra okanmami, yewa ŋabaka wareyake. Eŋe baŋ eŋine eŋetine mawa naguki paki, natne korop ebu ket biraoniyake, paki Kaisale wane Bakom Urumgo ari waketki paki pese mere eŋinane “na Kaisale” rayake.
5Na ŋinerop gekole, yewao iwa wane mo korop ŋidan warekole, ŋine eya mi detmami me? 6Ŋo iwa yemo wakonbe rakimo, kinekine maneŋo leŋkamaike, eya ŋine mo detkamami, nasoine pamaike, yewao yemo Borikine Mama Ŋei, yewa eŋe baŋ didiwo wakoniyake. 7Borikine eŋe urata mo sanka ma okanmaike, ŋo tanik daleo wakoniyake, eyamo ikop mi wakoniyake. Eŋe paki ŋei mane maŋo mainkaki zinge okanmaike, eya maki masikaniyake. 8Pakimo Borikine Mama eŋe baŋ didiwo wakongimo, Waom Yesu wane Asuineŋo aŋaino ŋine baŋ saketki paki qeyake, paki didiwo sari lotkeyakane qeli ewe zonomineŋo qe kito pelekki siukeyake. 9Borikine Mama Ŋei yewa, eŋe baŋ Ŋei Borikine eŋane zonom yewarop sariyake, paki masi kinekine togole mayake, so tanik kinekine isisine so qotkoine de kuneŋine mayake. 10So ŋei midakei wane biŋek gemami, eŋe borikine maikei wane, wet masiuk okanoniyake, eŋe midakei yemo onoka wane mida, eŋe don wele dere mena menaŋ yewa mi malipka more ŋadekka okanmami, eya wane midakei. 11Kine iwa yalinane, Kaisaleŋo liwe liwek wane zonom suwaine talekaki ket more, ŋei eŋane keueno urata maki, eŋe isi don wele midaine yewa dere malipkaikei. 12Eya wane weleine yemo ŋei korop eŋe don wele eya mi malipkamami, ŋo eŋe eya ŋadeke more borikine-enane simile eyaŋo zok manerop det okanmami, eya wane eŋe baŋ turuŋine wikile zok suwaine manerop marat-kaikei.
Kaisaleŋo Koso Ŋibuyakane Mo Ma Wakonŋunge
13Kimakop, ŋine Waomŋo wet maep okanŋun okanmaike, ŋene eya wane ŋinane Kaisale naso baŋem bakomine kito okanmaine, Kaisaleŋo mokaka koso ŋibuyakane ma wakon ŋunge, yemo Asu wane zonomŋo ŋibuki Kaisale wane ŋei ŋerep magu libe libe okangoi, so mali malipŋineŋo don wele dere malip kakoi, yale okangoi wane, Kaisaleŋo koso ŋibuke. 14Ŋene don maine ŋidangone yewao, Kaisaleŋo ŋidora newan ŋunge, eŋe newan ŋunge, yemo ŋine Waomze Yesu Kristo wane qeli ewe zonom yewa welaine okane ma gekei wane. 15Eso eya wane kimakop, ŋine togogole okorau paki, don wele kito ŋibongone, aŋaŋo ŋidangone, me kibiwo qe ŋibongone, yewa malilipka okorakei.
16Waomze Yesu Kristo oŋom, so Kaisale Magazeŋo wetmaep okan ŋonge, so eŋine wetne mayakakatnane wetpesek papatogon yewa, ŋenane biŋek rake, eya toma kakenane ra ŋebonge. 17Oŋo maine ŋinane kotoŋine maki qaeyake, so ma togoleŋungi togole more urata maineka maikei, so don mayakatneka raikei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.