1 Kirinti 9
9
Paulo Eŋe Aposolo Urata Wane Lewine Mi Makane Wet Pesek Detke
1Na mulap korop gemaile me? Na aposolo mida me? Na Yesu, ŋenze Waom mi kakole me? Na Waom wane urata makolane weleine ŋine mi wakone gemami me? 2Na natne eŋane aposolo mi mane ge okanmaile, eso ŋinane aposolo yemo welekatne ge okanmaile. Aposolo uratanane weleine Waom wane mosopko wako wakone yemo ŋine.
3Ŋei natne naŋane ŋade don ra okanmami, eŋe don nat paromine iwa yale mainge edan okanmaile. 4Natne ŋene ŋinano ŋine kisi maep urata wane ŋara me doku mi nekenane rawet ŋongoi 5Aposolo natne so Waom wane ŋolekoune so Petoro eŋe ŋanowekopene eŋerop weneŋ kisi maep qelit ari okanmami. Pakimo natne ŋene yemo ŋerep midaine ge more kisi maep urata makenane ra ŋebongoi me? 6Me na so Barnabas, ŋetoka meteseŋo urata mate paki kine kine marat kaiketane ra ŋepongoi me? 7Ma ŋeiŋo kawali wane urata maki paki koso oŋomka ŋaraine maratkayake? Mida! Maŋo wain ebotki wele wakongi mi neyake? Me maŋo lama wareone geki paki, koso ŋamuene mi neyake?
8Na don iwa ŋei dereret mogare nae wetkoŋine ra wakonmaile me? Ra Togon Don wane numa yewaŋo don weku yewaka mi ramaike me? 9Mose wane Ra Togon Don numa yewao iwa yale qeke, “Bulamakauŋo wit woune ra muzuge neki ge aŋaine misuk mawon gekene, eŋe urata wane ŋara maine nemaike.” Pakimo Kaisaleŋo don iwa eya bulamakau eŋaneka wetke rake me? 10Me eŋe ŋenane weneŋ dere more rake? O, don iwa yemo korop ŋenaneka ra more qeke. Eya wane euwo sere qemaike, ŋei yewa eŋe wele wakongi neyakane wetke more gemaike, so ŋara wele menaŋgi mamaike ŋei yewa eŋe neyakane wetke more mamaike. 11Ŋene kisi maep urata ŋinano ma more waet keuŋino dukkone, eya wane turuŋine ŋine solawane qesi qesiŋ kine kine ŋebonbi rap onokawane, ŋinano waet dukkone eya wane weleine. Eyaŋo maine mi okangirap me? 12Natne eŋe ŋinano ŋine ŋara aboŋ mau, urata ŋei sogine ŋene aposolo weneŋ mamaine mi pamaike me?
Paulo Eŋe kisi maep Urata Lewine Midaine Make, Yewaŋo Wet Pesek Donine Okange
Ŋo ŋene yemo Kristo wane kisi maep don Maine yewa numa leŋkaikenane raŋem paki ŋinano ŋine ŋara aboŋ maikenane raraine yewa waluke more siluŋ yaup wikile kutno ge okan maine. 13Bakom Urumgo urata ma okanmami, eŋe Bakom Urumgo ŋine ŋara ne okanmami, so aratao soe soep mit mit urata ma okanmami eŋe aratao ŋine kine kine ma ne okanmami. Yewa ŋine mi det okanmami me? 14Rokop yalewaka kisi maep urata mama ŋei eŋe kisi maep urataineŋo sola wane qesiŋ yeye kine kine ma wakone eboniyakane Waomŋo rake.
15Ŋo siluŋ na kine kine yaline mane mi ma okanmaile. Me ŋido eya wane rokopko iwa yaleka ninikei wane wetke more kibi iwa mi qe ŋibonmaile, midakaka. Na sola wane qesiŋ zuwage more seukewe ra, eya maine seukkale, eya wane rokopko maneŋo sola wane kine kine okannan okannan yemo midakaka! Na eya wane wet pesekk gemaile, eya maneŋo wet pesek eya mi maki kesiyake. 16Na kisi maep ra okanmaile yewa wane daleo batne okanbe menageyake, na yewa makalane ra ninnin ninane ma okanmaile. Ŋo na kisi maep rara urata yewa yeine qeligewerap, yai, yewamo Waomŋo daleo okan nangirap? 17Na urata, nae wetno wakone more mawerap, yemo gemage lewine mawerap. Na yemo urata iwa wane mi rawe Waom oŋom kisi maep wane ŋetne gekalane ra ningane kisi maep urata lewine midaine ma okan okanmaile. 18Eya wane mo na lewine onoka maikale? Yemo iwa yale: Na kisi maep urata ma ariwe paki ŋei kisi maep lewine midaine edan okanmaile, pakiso kisi maep wane ra more sola oken wane kine kine makalane raraine yewa waluk okanmaile. Eya wane mo kisi maep lewine midaine edan okanmaile, yewaŋo mo uratanane lewine okanmaike.
Paulo Eŋe Ŋei Kine Kine Eŋane Qelit Mama Okange
19Na maine ramaile, na ŋei keuwo ŋine, ŋei mane wane qelit mama midaka. Ŋo siluŋ na noŋomka rawe paki ŋei korop eŋane qelit ma gemaile, yemo onoka wane, ŋei loutneŋo kisi maep dere more menaŋgei wane wetkewe paki yale okan okanmaile. 20Yuda ŋei eŋano gewe paki Yuda ŋei mane wane tanik okan okanmaile, onoka wane Yuda ŋeiŋo menaŋgei wane yale okan okanmaile. Kisi maep sogine Mose wane Numa ma qe okanmami, eŋerop gewe paki kisi maep sogine Mose wane Numa ma ge okanmami, eŋane tanik ge okanmaile, eya mo kisi maep sogine Mose wane Numa yewa wane qelit qewe paki midaka, kisi maep sogine mage okanmami, ŋo menaŋgei wane yale okan okanmaile. 21Qelaŋ kisi maep midaine Mose wane Numa ŋadino ge okanmami, eŋano gewe paki qelaŋ Numa ŋadino ge okanmami, eŋane tanik ge okanmaile, eya mo qelaŋ kisi maep midaine edo menaŋgei wane, yale okan okanmaile. Na kisi maep midaine eŋane keuwo Kaisale wane Numa eya maine mi qelige gekale midaka, eŋane numa solaino arikale, eya na welekatne kisi maepko Kristo wane Numa kotino ge okanmaile. 22Kisi maep ŋei zonomene pelekakatne eŋane keuweno ge more pelekakatne tanik okan okanmaile, eya mo pelekakatneŋo menaŋgei wane yale okan okanmaile. Ŋei kine kine edo menaŋgei wane eŋane keuweno ge more tanik kine kine okan okanmaile. 23Eso na yeye kine kine korop okan okanmaile yemo Yesu wane kisi maepŋo wakone ariyakane, rawe pakimo na noŋom kisi maep wane wele mali malip wane moriyan wane damoze ŋei natne eŋerop weneŋ maikale.
Togogoleka Biririk Mage Lewine Maikene
24Bat sobeŋino ŋei loutneŋo biririkkei ŋo siluŋ eŋano ŋine ŋei wekuŋo alakane sobeŋ qoi qoino lotke more lewine mayake ŋine yewa mi detmami? Eya wane mo ŋine yaleka biririkeu paki yuwane more lewine maikei. 25Biririk biririk wane ŋei korop eŋe oŋaine biririkei wane rau paki sawe kine kine ge more tau ge okanmami. Eŋe kine kine sinoine gegeine, midaine gegeine bamgo, eya wane yale okan okanmami. Ŋo ŋedo yemo kine kine wele, ma gege togon, eya wane yalewa okanikene. 26Na noŋom biririk okanmaile, eso dene yau yaup pore midakaka, kudupka modare biririk okanmaile. Na kawali qekalane metene birawe yaup tewino mi ari okanmaike. 27Midaka! Na solane zok qewe paki qebinkawe nae similene eya mogare ari okan maike. Na ŋei kisi maep ra edane gemage nae uratanane weleine mi makalane, ra more solane wareka okanmaile.
Iliyochaguliwa sasa
1 Kirinti 9: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
1 Kirinti 9
9
Paulo Eŋe Aposolo Urata Wane Lewine Mi Makane Wet Pesek Detke
1Na mulap korop gemaile me? Na aposolo mida me? Na Yesu, ŋenze Waom mi kakole me? Na Waom wane urata makolane weleine ŋine mi wakone gemami me? 2Na natne eŋane aposolo mi mane ge okanmaile, eso ŋinane aposolo yemo welekatne ge okanmaile. Aposolo uratanane weleine Waom wane mosopko wako wakone yemo ŋine.
3Ŋei natne naŋane ŋade don ra okanmami, eŋe don nat paromine iwa yale mainge edan okanmaile. 4Natne ŋene ŋinano ŋine kisi maep urata wane ŋara me doku mi nekenane rawet ŋongoi 5Aposolo natne so Waom wane ŋolekoune so Petoro eŋe ŋanowekopene eŋerop weneŋ kisi maep qelit ari okanmami. Pakimo natne ŋene yemo ŋerep midaine ge more kisi maep urata makenane ra ŋebongoi me? 6Me na so Barnabas, ŋetoka meteseŋo urata mate paki kine kine marat kaiketane ra ŋepongoi me? 7Ma ŋeiŋo kawali wane urata maki paki koso oŋomka ŋaraine maratkayake? Mida! Maŋo wain ebotki wele wakongi mi neyake? Me maŋo lama wareone geki paki, koso ŋamuene mi neyake?
8Na don iwa ŋei dereret mogare nae wetkoŋine ra wakonmaile me? Ra Togon Don wane numa yewaŋo don weku yewaka mi ramaike me? 9Mose wane Ra Togon Don numa yewao iwa yale qeke, “Bulamakauŋo wit woune ra muzuge neki ge aŋaine misuk mawon gekene, eŋe urata wane ŋara maine nemaike.” Pakimo Kaisaleŋo don iwa eya bulamakau eŋaneka wetke rake me? 10Me eŋe ŋenane weneŋ dere more rake? O, don iwa yemo korop ŋenaneka ra more qeke. Eya wane euwo sere qemaike, ŋei yewa eŋe wele wakongi neyakane wetke more gemaike, so ŋara wele menaŋgi mamaike ŋei yewa eŋe neyakane wetke more mamaike. 11Ŋene kisi maep urata ŋinano ma more waet keuŋino dukkone, eya wane turuŋine ŋine solawane qesi qesiŋ kine kine ŋebonbi rap onokawane, ŋinano waet dukkone eya wane weleine. Eyaŋo maine mi okangirap me? 12Natne eŋe ŋinano ŋine ŋara aboŋ mau, urata ŋei sogine ŋene aposolo weneŋ mamaine mi pamaike me?
Paulo Eŋe kisi maep Urata Lewine Midaine Make, Yewaŋo Wet Pesek Donine Okange
Ŋo ŋene yemo Kristo wane kisi maep don Maine yewa numa leŋkaikenane raŋem paki ŋinano ŋine ŋara aboŋ maikenane raraine yewa waluke more siluŋ yaup wikile kutno ge okan maine. 13Bakom Urumgo urata ma okanmami, eŋe Bakom Urumgo ŋine ŋara ne okanmami, so aratao soe soep mit mit urata ma okanmami eŋe aratao ŋine kine kine ma ne okanmami. Yewa ŋine mi det okanmami me? 14Rokop yalewaka kisi maep urata mama ŋei eŋe kisi maep urataineŋo sola wane qesiŋ yeye kine kine ma wakone eboniyakane Waomŋo rake.
15Ŋo siluŋ na kine kine yaline mane mi ma okanmaile. Me ŋido eya wane rokopko iwa yaleka ninikei wane wetke more kibi iwa mi qe ŋibonmaile, midakaka. Na sola wane qesiŋ zuwage more seukewe ra, eya maine seukkale, eya wane rokopko maneŋo sola wane kine kine okannan okannan yemo midakaka! Na eya wane wet pesekk gemaile, eya maneŋo wet pesek eya mi maki kesiyake. 16Na kisi maep ra okanmaile yewa wane daleo batne okanbe menageyake, na yewa makalane ra ninnin ninane ma okanmaile. Ŋo na kisi maep rara urata yewa yeine qeligewerap, yai, yewamo Waomŋo daleo okan nangirap? 17Na urata, nae wetno wakone more mawerap, yemo gemage lewine mawerap. Na yemo urata iwa wane mi rawe Waom oŋom kisi maep wane ŋetne gekalane ra ningane kisi maep urata lewine midaine ma okan okanmaile. 18Eya wane mo na lewine onoka maikale? Yemo iwa yale: Na kisi maep urata ma ariwe paki ŋei kisi maep lewine midaine edan okanmaile, pakiso kisi maep wane ra more sola oken wane kine kine makalane raraine yewa waluk okanmaile. Eya wane mo kisi maep lewine midaine edan okanmaile, yewaŋo mo uratanane lewine okanmaike.
Paulo Eŋe Ŋei Kine Kine Eŋane Qelit Mama Okange
19Na maine ramaile, na ŋei keuwo ŋine, ŋei mane wane qelit mama midaka. Ŋo siluŋ na noŋomka rawe paki ŋei korop eŋane qelit ma gemaile, yemo onoka wane, ŋei loutneŋo kisi maep dere more menaŋgei wane wetkewe paki yale okan okanmaile. 20Yuda ŋei eŋano gewe paki Yuda ŋei mane wane tanik okan okanmaile, onoka wane Yuda ŋeiŋo menaŋgei wane yale okan okanmaile. Kisi maep sogine Mose wane Numa ma qe okanmami, eŋerop gewe paki kisi maep sogine Mose wane Numa ma ge okanmami, eŋane tanik ge okanmaile, eya mo kisi maep sogine Mose wane Numa yewa wane qelit qewe paki midaka, kisi maep sogine mage okanmami, ŋo menaŋgei wane yale okan okanmaile. 21Qelaŋ kisi maep midaine Mose wane Numa ŋadino ge okanmami, eŋano gewe paki qelaŋ Numa ŋadino ge okanmami, eŋane tanik ge okanmaile, eya mo qelaŋ kisi maep midaine edo menaŋgei wane, yale okan okanmaile. Na kisi maep midaine eŋane keuwo Kaisale wane Numa eya maine mi qelige gekale midaka, eŋane numa solaino arikale, eya na welekatne kisi maepko Kristo wane Numa kotino ge okanmaile. 22Kisi maep ŋei zonomene pelekakatne eŋane keuweno ge more pelekakatne tanik okan okanmaile, eya mo pelekakatneŋo menaŋgei wane yale okan okanmaile. Ŋei kine kine edo menaŋgei wane eŋane keuweno ge more tanik kine kine okan okanmaile. 23Eso na yeye kine kine korop okan okanmaile yemo Yesu wane kisi maepŋo wakone ariyakane, rawe pakimo na noŋom kisi maep wane wele mali malip wane moriyan wane damoze ŋei natne eŋerop weneŋ maikale.
Togogoleka Biririk Mage Lewine Maikene
24Bat sobeŋino ŋei loutneŋo biririkkei ŋo siluŋ eŋano ŋine ŋei wekuŋo alakane sobeŋ qoi qoino lotke more lewine mayake ŋine yewa mi detmami? Eya wane mo ŋine yaleka biririkeu paki yuwane more lewine maikei. 25Biririk biririk wane ŋei korop eŋe oŋaine biririkei wane rau paki sawe kine kine ge more tau ge okanmami. Eŋe kine kine sinoine gegeine, midaine gegeine bamgo, eya wane yale okan okanmami. Ŋo ŋedo yemo kine kine wele, ma gege togon, eya wane yalewa okanikene. 26Na noŋom biririk okanmaile, eso dene yau yaup pore midakaka, kudupka modare biririk okanmaile. Na kawali qekalane metene birawe yaup tewino mi ari okanmaike. 27Midaka! Na solane zok qewe paki qebinkawe nae similene eya mogare ari okan maike. Na ŋei kisi maep ra edane gemage nae uratanane weleine mi makalane, ra more solane wareka okanmaile.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.