1 Kirinti 10
10
Asuŋo Israel Ŋei Kepe Keuwo Mapitongi Mi Mogatkoi
1Kimakopne na ŋabokopze Mose wane naso kine kine okangoi eya wane kine ŋaŋaekei wane wetke ŋibonbe detpi. Eŋe korop kezoŋŋo kawetongi ariu paki koropka Kiwet Takitne zip ziuno gesoke maineka ari wawarekoi. 2Eso Mose wane ŋeikoune okanikei wane rau paki eŋe korop kezoŋ so kiwet ŋo peyam dokuene leleki taukoi. 3So eŋe korop Waom wane Asuŋo ŋara mawakone ebonge weku yewaka ne arikoi. 4So korop eŋe Asuŋo doku mawakone ebongi, eŋe yewaka weku ne arikoi. Eŋe Asu wane wesi eŋerop weneŋ arikoi, wesi yewa ŋine doku ketki nekoi. Eso wesi yewa yemo Kristo okanmaike. 5Eŋe kine kine yewa korop okanon wareke, ŋo siluŋ Kaisale eŋe tanik manikene borikine eya wane mi similekaki eŋane keuwo ŋine ŋei ŋerep wele korop dere worik one qeliŋongi kepe sai togolo seuke qe qolok okan warekoi.
Israel Ŋei Eŋano Masi Wakonge Eyaŋo Giremze Okanmaike
6Ukude, tanik manik korop eŋano wakonge, yewaŋo ŋenane giremze okangi ŋedanmaikane ŋene kaŋem paki eŋe okangoi yale wetzeŋo borikine kine kine misuk ma qot okanikene. 7Me eŋano ŋine natne okangoi, yale okane lopio misuk meŋen kaikene. Eya mo Kaisale wane ekapko iwa yale qeqine pamaike: “Ŋei ŋerep pese ket mere ŋara nekoi so doku nekoi, so koso wiye more eŋet ore more so wenip yau yaup mau paki doku neu eyaŋo wet siuk okanonge.” 8Ŋene wenip yau yaup eŋano ŋine natneŋo makoi, yale misuk maikene. Eŋano ŋine natne eŋe yale okane more kaiwe weku yewaoka ŋei ŋerep 23 tausen (23,000) seuke pawarekoi. 9Eŋano ŋine natneŋo Waom liwekkakoi ŋine yale misuk okanikei. Eŋano ŋine natne eŋe yale okangoi, eya wane koma edo edotki seukkoi. 10Me eŋano ŋine natneŋo Kaisale sorinkakoi, ŋine yalewaka Waom misuk sorinkaikei, eŋano ŋine natne eŋe yale okankakoi, eya wane Seu Seu wane Aŋeloŋo Izip kepeo enguki seukkoi.
11Yeye kine kine korop iwa ŋabokopze eŋano wakonge, eya yemo natne eŋane qaka okanmaike, eya weneŋ desikei, wane naso qoeyakane Nasoine bomileki, gemaine ŋenane girem don ra more don kisi iwa ekapko qeqine.
12Eya wane, ŋei mane eŋe eŋinane detki togogole okan okanmaike, eŋe peleke ket qeyakane kauluke geyake. 13Ŋinano liwe liwek natne wakonge, eya mo ŋinŋine zonom so dereret ŋinane kouno wakonge, ŋei natne eŋano liwe liwek wakon okanmaike, yewaka ŋinano wakone sake. Eya wane ŋene Kaisale maine detluk kaikene, pakimo eŋe liwe liwek yewa ma ewekki zonom ŋinane rokop yewa yuwane more mi liwek ŋuniyake. Midakaka! Liwe liwek ŋinano wakoniyakeo, baŋ Kaisaleŋo numaine ma ŋibone more qesiŋ ŋungi ŋine maine togolekei.
Waom Wane Ŋara Nene So Ŋei Borikinane Ŋara Qeturage Nene Eyamo Mi Pamaike
14Eya wane kima maepkopne, ŋine lopio isisine eŋane tanik manik yewa ŋadekkau paki yeine qelige gekei. 15Ŋine wetŋinerop, kisi maep dereret gemami wane don iwa ŋidanbe detlukeu. 16Laseo wain mosopkake, eya wane ŋene Kaisale meŋenkaŋem mosopkaki neŋem paki, Kristo wane weŋem gorop tako rakot okan okanmaine. So ŋene kasap mapok okanmaine, naso yewao ne more, Kristo wane sola bikum gorop tako rakot okan okanmaine 17Bret wekuku ŋei ŋerep magu suwaineŋo kasap weku ne more qeturaŋ ŋongi kima magu weku okane ge okanmaine.
18Ŋine Israel ŋei eŋane kineene detlukeu, eŋe ŋara soep ne okangoi, eya mo Waom wane zakeo mire more ne okangoi, eyaŋo qeturaŋongi eŋe zake eya wane Waom gorop magu weku okangoi. 19Ŋine naŋane don iwa detpi noŋo ramile me oŋo ramaike, eya misuk desikei, “Qelaŋ edo waom isisine lopio wane soe soep mitmami, eya mo maine welekakatne, eya mo Waom wane donŋo ramike.” So na iwa yale weneŋ mi ramaile, “Waom isisine lopio eya mo maine kine kine eyaŋo mo wele.” 20Midaka! Na iwa yale ramaile, qelaŋ ŋei eŋe ŋara soep mit okanmami, eya mo asu qotkoinane eŋe Kaisale wane mi mit okanmami, ŋine yemo osoŋa, asu borikine eŋerop tako rakot mi okangei wane nanmaike. 21Ŋine Waom wane laseo ŋine doku ne more koso asu qotkoinane laseo ŋine maine mi nekei, ŋine Waom wane zakeo ŋine ŋara neu paki koso osoŋa asu borikinane zakeo ŋine ŋara maine mi nekei. 22Me ŋene Waom koto matali okan kaŋem maine mi det worik okan-ŋoniyake me? Ŋenane zonomŋo Waom wane zonom yuwan-kamaike me?
Mane Eŋe Eŋinaneka Dereret Detki Mi Menageyake
23Ŋei natne iwa yale ra okanmami, “Yeye kine kine korop oka okane pamaike, eya welekatne.” Ŋo na ramaile, siluŋ yeye kine kine korop okane, kisi maep wane qesi qesiŋ okane doku tau tau magu wele gege yemo mi pamaike. 24Mane eŋe eŋine mena-geyakane ka mi desiyake, ŋei natne eŋe menaŋgei wane weneŋ desiyake.
25Ŋine soep qole qole wane naluwo ŋine soep kine kine yaup qazaŋ qelaŋ eŋano ŋine qolemami, yewa ŋine maine nekei, dere qeka okane misuk qesongei. 26Onoka wane, Kaisale wane ekapko iwa yale qeqine, “Kepe, so kepe wane kutno yeye kine kine pa waremaike, eya mo korop Waom waneka.”
27Qelaŋ ŋei maneŋo eŋane matko ari mere ŋara nekei wane newan-ŋuniyakeo, ŋine ari more ŋara kine kine sotŋino mosiyake, yewa maine nekei. Dere qeka okane ra qesonka mi okankaikei. 28Ŋo ŋei maneŋo ŋidane rayake, “Ŋara soeppae mo mire lopio wane sotno morimi yewa ŋine.” Rakiso, yemo ŋeiwa ŋidanike, oŋo dere worik ŋuniyakane, eŋane ra more dere mezet okane so yeine walukkei. 29Neu ŋinane koto ŋine boriyakane mida ŋidanike, ŋei yewa wane kotine boriyakane dere mezet okane yeine walukkei.
Na nae kotoneŋo dere mezetine midaine pakimo, onoka wane ŋei maneŋo eŋine kotinane rokop yewaŋo naŋano makatakeyake? Eya maine mida! 30Na Kaisale bakom kito olatpe paki ŋara soep meŋe meŋenŋo mosopka newe maŋo onoka wane dere worik naniyake? Eya mida!
Sot Midaine Gekene
31Eya wane ŋine ŋara soep me doku surok nekei, me yeye kine kine mane okanikei wane rau paki Kaisale ewine kito mawakaikei. 32Ŋine Yuda ŋei, so Grik ŋei, so Kaisale wane doku tau tau magu eŋane kaiteno sot midaine geu, eŋe mane mi detpi bori ŋiboniyake. 33Na yaleka ŋei kine kine eŋe nanbi menageyakane gemaile, paki na nae kine kineŋo menageyakane mida, ŋei loutneŋo kisi maep dere more menaŋgei wane urataine ma okanmaile.
Iliyochaguliwa sasa
1 Kirinti 10: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
1 Kirinti 10
10
Asuŋo Israel Ŋei Kepe Keuwo Mapitongi Mi Mogatkoi
1Kimakopne na ŋabokopze Mose wane naso kine kine okangoi eya wane kine ŋaŋaekei wane wetke ŋibonbe detpi. Eŋe korop kezoŋŋo kawetongi ariu paki koropka Kiwet Takitne zip ziuno gesoke maineka ari wawarekoi. 2Eso Mose wane ŋeikoune okanikei wane rau paki eŋe korop kezoŋ so kiwet ŋo peyam dokuene leleki taukoi. 3So eŋe korop Waom wane Asuŋo ŋara mawakone ebonge weku yewaka ne arikoi. 4So korop eŋe Asuŋo doku mawakone ebongi, eŋe yewaka weku ne arikoi. Eŋe Asu wane wesi eŋerop weneŋ arikoi, wesi yewa ŋine doku ketki nekoi. Eso wesi yewa yemo Kristo okanmaike. 5Eŋe kine kine yewa korop okanon wareke, ŋo siluŋ Kaisale eŋe tanik manikene borikine eya wane mi similekaki eŋane keuwo ŋine ŋei ŋerep wele korop dere worik one qeliŋongi kepe sai togolo seuke qe qolok okan warekoi.
Israel Ŋei Eŋano Masi Wakonge Eyaŋo Giremze Okanmaike
6Ukude, tanik manik korop eŋano wakonge, yewaŋo ŋenane giremze okangi ŋedanmaikane ŋene kaŋem paki eŋe okangoi yale wetzeŋo borikine kine kine misuk ma qot okanikene. 7Me eŋano ŋine natne okangoi, yale okane lopio misuk meŋen kaikene. Eya mo Kaisale wane ekapko iwa yale qeqine pamaike: “Ŋei ŋerep pese ket mere ŋara nekoi so doku nekoi, so koso wiye more eŋet ore more so wenip yau yaup mau paki doku neu eyaŋo wet siuk okanonge.” 8Ŋene wenip yau yaup eŋano ŋine natneŋo makoi, yale misuk maikene. Eŋano ŋine natne eŋe yale okane more kaiwe weku yewaoka ŋei ŋerep 23 tausen (23,000) seuke pawarekoi. 9Eŋano ŋine natneŋo Waom liwekkakoi ŋine yale misuk okanikei. Eŋano ŋine natne eŋe yale okangoi, eya wane koma edo edotki seukkoi. 10Me eŋano ŋine natneŋo Kaisale sorinkakoi, ŋine yalewaka Waom misuk sorinkaikei, eŋano ŋine natne eŋe yale okankakoi, eya wane Seu Seu wane Aŋeloŋo Izip kepeo enguki seukkoi.
11Yeye kine kine korop iwa ŋabokopze eŋano wakonge, eya yemo natne eŋane qaka okanmaike, eya weneŋ desikei, wane naso qoeyakane Nasoine bomileki, gemaine ŋenane girem don ra more don kisi iwa ekapko qeqine.
12Eya wane, ŋei mane eŋe eŋinane detki togogole okan okanmaike, eŋe peleke ket qeyakane kauluke geyake. 13Ŋinano liwe liwek natne wakonge, eya mo ŋinŋine zonom so dereret ŋinane kouno wakonge, ŋei natne eŋano liwe liwek wakon okanmaike, yewaka ŋinano wakone sake. Eya wane ŋene Kaisale maine detluk kaikene, pakimo eŋe liwe liwek yewa ma ewekki zonom ŋinane rokop yewa yuwane more mi liwek ŋuniyake. Midakaka! Liwe liwek ŋinano wakoniyakeo, baŋ Kaisaleŋo numaine ma ŋibone more qesiŋ ŋungi ŋine maine togolekei.
Waom Wane Ŋara Nene So Ŋei Borikinane Ŋara Qeturage Nene Eyamo Mi Pamaike
14Eya wane kima maepkopne, ŋine lopio isisine eŋane tanik manik yewa ŋadekkau paki yeine qelige gekei. 15Ŋine wetŋinerop, kisi maep dereret gemami wane don iwa ŋidanbe detlukeu. 16Laseo wain mosopkake, eya wane ŋene Kaisale meŋenkaŋem mosopkaki neŋem paki, Kristo wane weŋem gorop tako rakot okan okanmaine. So ŋene kasap mapok okanmaine, naso yewao ne more, Kristo wane sola bikum gorop tako rakot okan okanmaine 17Bret wekuku ŋei ŋerep magu suwaineŋo kasap weku ne more qeturaŋ ŋongi kima magu weku okane ge okanmaine.
18Ŋine Israel ŋei eŋane kineene detlukeu, eŋe ŋara soep ne okangoi, eya mo Waom wane zakeo mire more ne okangoi, eyaŋo qeturaŋongi eŋe zake eya wane Waom gorop magu weku okangoi. 19Ŋine naŋane don iwa detpi noŋo ramile me oŋo ramaike, eya misuk desikei, “Qelaŋ edo waom isisine lopio wane soe soep mitmami, eya mo maine welekakatne, eya mo Waom wane donŋo ramike.” So na iwa yale weneŋ mi ramaile, “Waom isisine lopio eya mo maine kine kine eyaŋo mo wele.” 20Midaka! Na iwa yale ramaile, qelaŋ ŋei eŋe ŋara soep mit okanmami, eya mo asu qotkoinane eŋe Kaisale wane mi mit okanmami, ŋine yemo osoŋa, asu borikine eŋerop tako rakot mi okangei wane nanmaike. 21Ŋine Waom wane laseo ŋine doku ne more koso asu qotkoinane laseo ŋine maine mi nekei, ŋine Waom wane zakeo ŋine ŋara neu paki koso osoŋa asu borikinane zakeo ŋine ŋara maine mi nekei. 22Me ŋene Waom koto matali okan kaŋem maine mi det worik okan-ŋoniyake me? Ŋenane zonomŋo Waom wane zonom yuwan-kamaike me?
Mane Eŋe Eŋinaneka Dereret Detki Mi Menageyake
23Ŋei natne iwa yale ra okanmami, “Yeye kine kine korop oka okane pamaike, eya welekatne.” Ŋo na ramaile, siluŋ yeye kine kine korop okane, kisi maep wane qesi qesiŋ okane doku tau tau magu wele gege yemo mi pamaike. 24Mane eŋe eŋine mena-geyakane ka mi desiyake, ŋei natne eŋe menaŋgei wane weneŋ desiyake.
25Ŋine soep qole qole wane naluwo ŋine soep kine kine yaup qazaŋ qelaŋ eŋano ŋine qolemami, yewa ŋine maine nekei, dere qeka okane misuk qesongei. 26Onoka wane, Kaisale wane ekapko iwa yale qeqine, “Kepe, so kepe wane kutno yeye kine kine pa waremaike, eya mo korop Waom waneka.”
27Qelaŋ ŋei maneŋo eŋane matko ari mere ŋara nekei wane newan-ŋuniyakeo, ŋine ari more ŋara kine kine sotŋino mosiyake, yewa maine nekei. Dere qeka okane ra qesonka mi okankaikei. 28Ŋo ŋei maneŋo ŋidane rayake, “Ŋara soeppae mo mire lopio wane sotno morimi yewa ŋine.” Rakiso, yemo ŋeiwa ŋidanike, oŋo dere worik ŋuniyakane, eŋane ra more dere mezet okane so yeine walukkei. 29Neu ŋinane koto ŋine boriyakane mida ŋidanike, ŋei yewa wane kotine boriyakane dere mezet okane yeine walukkei.
Na nae kotoneŋo dere mezetine midaine pakimo, onoka wane ŋei maneŋo eŋine kotinane rokop yewaŋo naŋano makatakeyake? Eya maine mida! 30Na Kaisale bakom kito olatpe paki ŋara soep meŋe meŋenŋo mosopka newe maŋo onoka wane dere worik naniyake? Eya mida!
Sot Midaine Gekene
31Eya wane ŋine ŋara soep me doku surok nekei, me yeye kine kine mane okanikei wane rau paki Kaisale ewine kito mawakaikei. 32Ŋine Yuda ŋei, so Grik ŋei, so Kaisale wane doku tau tau magu eŋane kaiteno sot midaine geu, eŋe mane mi detpi bori ŋiboniyake. 33Na yaleka ŋei kine kine eŋe nanbi menageyakane gemaile, paki na nae kine kineŋo menageyakane mida, ŋei loutneŋo kisi maep dere more menaŋgei wane urataine ma okanmaile.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.