Kañaam 61
61
Dŋal kafëţ du dko dyimanaan di nu ŋnuur bŧi
1Kayeeh ki pñaamarën Naşibaţi ki kapënna ţi ulibra wi najukan iyeeh. Kaji kagakandër na bko bkobi bi ital. Kayeeh ki Dayiţ.
2Iwi Naşibaţi, ŧiinkan pdiim pi naan ;
watan kabaţ ţi pñehan pi naan.
3Du kabaŋ ki mboş di di njaaŋ kaduunu,
wi nwooŋ mënkak ahinan.
Ñooţaan du pnkuŋ pandëmuŋ maakan apelën.
4Iwi iwooŋ dko di mmeniiŋ ;
iwi iwooŋ katoh kaweek ki ŋniw ŋankëmuŋ ţi kadun ki başoorad naan.
5Dŋal kafëţ du dko dyimanaan di nu ŋnuur bŧi,
kamena da ţi ibaaklu yi nu uţeeh.
Pnaţ ntiinku
6Iwi Naşibaţi ijaaŋ kŧiink pñehan pi naan ;
iwuluŋ banjaaŋ badëmanu iko yi bakaaŋ.
7Hoţaan ŋnuur ţi ŋi naşih ;
hoţaan ŋşubal ţi ŋşubal ŋi nul !
8Dolana awinana bnuura ţi kadun ki iwi Naşibaţi te mnţo !
Dolan uŋal wi nu unwooŋ uunkba na manjoonan mi nu ŋado kayeŋa !
9Wal mënţ nşë wo mënkdo kaţañna pyeehu,
kado kado unuur unjinţi uko wi nji nhoŋiiŋ.
Iliyochaguliwa sasa
Kañaam 61: knf
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, Wycliffe Bible Translators, Inc. in cooperation with Le Groupe CIM-TBM, Senegal