Genesis 32
32
Migsadia ya i Jacob ban Saganan ne i Esau
1Sindu nang Jacob ing pamaglakbe na. Kanita asaganan na la ding tubud#32:1 King Hebreo: anghel. na ning Dios. 2Ngana karelang Jacob, Iti ya ing kampu na ning Dios. Makanyan neng inaus Mahanaim#32:2 King Hebreo ngana wari: aduang kampu. ing lugal a ita.
3Pepapuntan na lang Jacob ding tubud na kang Esau king Seir a sakup ning Edom. 4Penabilinan na la. Ngana, Sabian yu king kapatad#32:4 King Hebreo: ginu. kung i Esau ing anti kaniti: Pasabi na ning kapatad#32:4 King Hebreo: alipan o talasuyu. yung i Jacob king menatili yang kayabe na ning bapa yung i Laban angga ngeni; 5king mika dakal yang sese baka, asno, tupa, at ipus a lalaki ampon babai. Pasabi na kekayu king magnasa yang maging katanggap-tanggap king arapan yu.
6Mibalik la ding tiburan nang Jacob at ngara, Pintalan mi ya i Esau a kapatad yu; ya mismu kanu ing sagana kekayu. Atin yang kayabe; apat lang dalan a katau. 7Mitakutan yang e mu nanu i Jacob. Inya gewa na lang aduang grupu ding taung kayabe na, antimu rin ding tupa na, kambing, baka, at ding kamelyu. 8Inisip na nung sakaling dasnan neng Esau ing metung kareting grupu at salakayan ne, makatakas ya ing kadua.
9Kanita nganang menalangin Jacob, O Dios nang Abraham, Dios nang Isaac a tata ku! Sinabi yu kanaku, Ginu, king mibalik na ku king balen kung tibuan at e yu ku paburen! 10E ku karapatdapat king heganaganang binie yu at katapatan yu kanaku. Lipatan ke ing Ilug ning Jordan agyamang tukud ya mu kabud ing darala ku. Ngeni, king pamagbalik ku adua lang grupu ding kayabe ku. 11Iligtas yu ku sana kang Esau a kapatad ku. Tatakut ku pota karatang na pamaten na kami at pati na ding ima ampon ding anak da. 12#Gen 22:17.Ngayung mengaku kanaku: E ra ka paburen at parakalan ku la ring maging lahi mu, maging kasing dakal da la ring balas na ning dagat#32:12 O kaya: dayatmalat. a e abilang-bilang.
13Kaybat nang linabas ing bengi karin, kewani na lang Jacob deting mapilan a bage ban iregalu king kapatad nang i Esau: 14aduang dalan a babaing kambing at aduang pulung lalaking kambing; aduang dalan a babaing tupa at aduang pulung lalaking tupa; 15atlung pulung gatasan a kamelyu at ding karelang biseru; apat apulung baka at apulung toro; aduang pulung babaing asno at apulung lalaking asno. 16Pepanibala na la deti karing ipus na a mamahala balang grupu. Kaybat ngana karing ipus, Muna na kayu kanaku at dinan yeng pilatan ing balang grupu. 17Ngana ketang ipus a atyu king pekamumuna, Potang asaganan na ka ning kapatad kung i Esau at kutnan na ka nung kenu ka ipus at nung nu ka munta at nung kenu la ding animal 18ipakibat mu, Kang Jacob la a kekayung talasuyu; papabie na la kekayu. Katuki mi ya. 19Makanyan munaman ing penabilin na king kaduang ipus, king katlu, at karing sablang maglakad kagulutan da ring kawan. Yan ing sabian yu kang Esau potang akatagpu yu ne. 20At sabian yu pa, I Jacob a talasuyu yu atyu ne kagulutan mi. Nganang minisip Jacob, Nung sakaling apalubak ke lub karing regalu a peparala kung makapauna kanaku, potang akayarap ke, mekad patawaran na ku. 21Inya peparala nang makauna kang Esau ing regalu, at melakuan yang migpaynawa king kampu king benging ita.
Ing Pamakibatbatan nang Jacob karin king Peniel
22Ketang bengi mu ring ita mibangun ya i Jacob. Tiki na la ding adua nang asawa, ding aduang babaing kasese na, at ding labing metung a anak na, at delakitan de ing Ilug ning Jabok. 23#Kab 10:12.Inyang adalakit na na la at ing pibandian na, 24#Hos 12:3, 4.melakuan yang magdili-dili i Jacob. Kanita dinatang ya ing metung a lalaki, at mekibatbatan ya kang Jacob angga na king miras ing ganingaldo. 25Inyang aulata na ning tau king e ne asaul i Jacob, sikmal ne king papaluan, at milisang ya ing butul na ning puad na king paglugalan na king papaluan. 26Kanita ngana ning tau, Ibili mu na ku uling ganingaldo na.
Oneng nganang Jacob, E ra kayu ibili anggang e yu ku bendisyunan.
27Nanu waring lagyu mu? nganang kinutang ning lalaki.
Jacob, nganang mekibat.
28 # Gen 35:10. Kanita ngana ning lalaki, Manibat ngeni Israel na ing lagyu mu; e na Jacob uling akabatbatan me ing Dios ampon ding tau at miniambut ka.
29 # Ukum 13:17, 18. Kanita nganang Jacob, Sabian yu ne mo kanaku ing lagyu yo.
Pekibat na, Obat buri meng abalu ing lagyu ku? at binendisyunan ne i Jacob.
30Inya i Jacob inaus neng Peniel ing lugal a ita, ngana wari, Ing lupa na ning Dios, uling ikit ne lupa ing Dios, oneng e ya ninanu balang. 31Makaslag ne ing aldo inyang palako ne Peniel; tikul-tikul yang meko pauli na ning papaluan na. 32Iti ya ing sangkan nung inya e la mamangan ding Israelita king laman a atyu king pikalukaluan na ning papaluan uli na ning kepilayan ya karin i Jacob king pangasakmal na.
Iliyochaguliwa sasa
Genesis 32: PmPV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Philippine Bible Society New Testament © 1981, Bible © 1994
Genesis 32
32
Migsadia ya i Jacob ban Saganan ne i Esau
1Sindu nang Jacob ing pamaglakbe na. Kanita asaganan na la ding tubud#32:1 King Hebreo: anghel. na ning Dios. 2Ngana karelang Jacob, Iti ya ing kampu na ning Dios. Makanyan neng inaus Mahanaim#32:2 King Hebreo ngana wari: aduang kampu. ing lugal a ita.
3Pepapuntan na lang Jacob ding tubud na kang Esau king Seir a sakup ning Edom. 4Penabilinan na la. Ngana, Sabian yu king kapatad#32:4 King Hebreo: ginu. kung i Esau ing anti kaniti: Pasabi na ning kapatad#32:4 King Hebreo: alipan o talasuyu. yung i Jacob king menatili yang kayabe na ning bapa yung i Laban angga ngeni; 5king mika dakal yang sese baka, asno, tupa, at ipus a lalaki ampon babai. Pasabi na kekayu king magnasa yang maging katanggap-tanggap king arapan yu.
6Mibalik la ding tiburan nang Jacob at ngara, Pintalan mi ya i Esau a kapatad yu; ya mismu kanu ing sagana kekayu. Atin yang kayabe; apat lang dalan a katau. 7Mitakutan yang e mu nanu i Jacob. Inya gewa na lang aduang grupu ding taung kayabe na, antimu rin ding tupa na, kambing, baka, at ding kamelyu. 8Inisip na nung sakaling dasnan neng Esau ing metung kareting grupu at salakayan ne, makatakas ya ing kadua.
9Kanita nganang menalangin Jacob, O Dios nang Abraham, Dios nang Isaac a tata ku! Sinabi yu kanaku, Ginu, king mibalik na ku king balen kung tibuan at e yu ku paburen! 10E ku karapatdapat king heganaganang binie yu at katapatan yu kanaku. Lipatan ke ing Ilug ning Jordan agyamang tukud ya mu kabud ing darala ku. Ngeni, king pamagbalik ku adua lang grupu ding kayabe ku. 11Iligtas yu ku sana kang Esau a kapatad ku. Tatakut ku pota karatang na pamaten na kami at pati na ding ima ampon ding anak da. 12#Gen 22:17.Ngayung mengaku kanaku: E ra ka paburen at parakalan ku la ring maging lahi mu, maging kasing dakal da la ring balas na ning dagat#32:12 O kaya: dayatmalat. a e abilang-bilang.
13Kaybat nang linabas ing bengi karin, kewani na lang Jacob deting mapilan a bage ban iregalu king kapatad nang i Esau: 14aduang dalan a babaing kambing at aduang pulung lalaking kambing; aduang dalan a babaing tupa at aduang pulung lalaking tupa; 15atlung pulung gatasan a kamelyu at ding karelang biseru; apat apulung baka at apulung toro; aduang pulung babaing asno at apulung lalaking asno. 16Pepanibala na la deti karing ipus na a mamahala balang grupu. Kaybat ngana karing ipus, Muna na kayu kanaku at dinan yeng pilatan ing balang grupu. 17Ngana ketang ipus a atyu king pekamumuna, Potang asaganan na ka ning kapatad kung i Esau at kutnan na ka nung kenu ka ipus at nung nu ka munta at nung kenu la ding animal 18ipakibat mu, Kang Jacob la a kekayung talasuyu; papabie na la kekayu. Katuki mi ya. 19Makanyan munaman ing penabilin na king kaduang ipus, king katlu, at karing sablang maglakad kagulutan da ring kawan. Yan ing sabian yu kang Esau potang akatagpu yu ne. 20At sabian yu pa, I Jacob a talasuyu yu atyu ne kagulutan mi. Nganang minisip Jacob, Nung sakaling apalubak ke lub karing regalu a peparala kung makapauna kanaku, potang akayarap ke, mekad patawaran na ku. 21Inya peparala nang makauna kang Esau ing regalu, at melakuan yang migpaynawa king kampu king benging ita.
Ing Pamakibatbatan nang Jacob karin king Peniel
22Ketang bengi mu ring ita mibangun ya i Jacob. Tiki na la ding adua nang asawa, ding aduang babaing kasese na, at ding labing metung a anak na, at delakitan de ing Ilug ning Jabok. 23#Kab 10:12.Inyang adalakit na na la at ing pibandian na, 24#Hos 12:3, 4.melakuan yang magdili-dili i Jacob. Kanita dinatang ya ing metung a lalaki, at mekibatbatan ya kang Jacob angga na king miras ing ganingaldo. 25Inyang aulata na ning tau king e ne asaul i Jacob, sikmal ne king papaluan, at milisang ya ing butul na ning puad na king paglugalan na king papaluan. 26Kanita ngana ning tau, Ibili mu na ku uling ganingaldo na.
Oneng nganang Jacob, E ra kayu ibili anggang e yu ku bendisyunan.
27Nanu waring lagyu mu? nganang kinutang ning lalaki.
Jacob, nganang mekibat.
28 # Gen 35:10. Kanita ngana ning lalaki, Manibat ngeni Israel na ing lagyu mu; e na Jacob uling akabatbatan me ing Dios ampon ding tau at miniambut ka.
29 # Ukum 13:17, 18. Kanita nganang Jacob, Sabian yu ne mo kanaku ing lagyu yo.
Pekibat na, Obat buri meng abalu ing lagyu ku? at binendisyunan ne i Jacob.
30Inya i Jacob inaus neng Peniel ing lugal a ita, ngana wari, Ing lupa na ning Dios, uling ikit ne lupa ing Dios, oneng e ya ninanu balang. 31Makaslag ne ing aldo inyang palako ne Peniel; tikul-tikul yang meko pauli na ning papaluan na. 32Iti ya ing sangkan nung inya e la mamangan ding Israelita king laman a atyu king pikalukaluan na ning papaluan uli na ning kepilayan ya karin i Jacob king pangasakmal na.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Philippine Bible Society New Testament © 1981, Bible © 1994