مزامیر ۲۸
۲۸
خوداوند می قوّت و می سپره
داوودٚ مزمور
۱ اَی خوداوند، تو کی می صخره ایسی، ترَ دوخوأنم
وختی گب زنم، تی گوشَ نوأ گیفتن.
چره کی اگه می دوعایَ جواب ندی،
کسأنی مأنستن بم کی گیلٚ جیر شیدی.
۲ وختی تی جأ کومک خوأیم،
و می دسأنَ تی قُدس‌الاقداسٚ#۲۸:۲ معبدٚ مقدس‌ترین جیگا طرف درازَ کونم،
می ایلتماس ایجگره‌یَ گوش بوکون.
۳ مرَ شرورٚ آدمأنٚ اَمرأ محکوم نوکون،
اوشأنی کی همیشه شرارت کونیدی؛
کی خوشأنٚ همساده‌یأنٚ اَمرأ جٚه صلح و صفا دم زنیدی
ولی بدی اوشأن دیلٚ دورون نهَه.
۴ اوشأنٚ کردکارأن و شرارتٚ وأسی، اوشأنٚ جزایَ فأدن
هَطویم جٚه خأطرٚ اوشأنٚ شرورٚ کارأن، اوشأنٚ جزایَ فأدن
و موجازات بوکون.
۵ جٚه اَ خأطر کی خوداوندٚ کارأنَ محل نوکونیدی،
و هَطویم اونٚ دسٚ کارأنَ،
پس خودا اوشأنَ جٚه بین بره
و هیوخت دِه اوشأنَ وینریزأنه.
۶ موتبارک ببه خوداوند
چونکی می ایلتماس ایجگره‌یَ گوش بوکوده.
۷ خوداوند می قوّت و می سپره،
می دیل اونَ توکل دأره و اونٚ جأ یاری فیگیفتم.
می دیل شادی جأ پوره
و سرودٚ اَمرأ اونَ ستایش کونم.
۸ خوداوند، خو قومٚ قوّته
و خو مسح بوبوسته پادشا رِه قلعه‌یٚ نجات.
۹ اَی خوداوند، تی قومَ نجات بدن و تی ارث و میراثَ موبارک بفرما؛
اَشأنٚ رِه شبان بوبو و تا اَبد به چانٚ#۲۸:۹ چان ینی دوش سر بنه و ببر.
Iliyochaguliwa sasa
مزامیر ۲۸: گیلکی (رشتی)
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2010-2019 Gilak Media