Mistari Maarufu ya Biblia kutoka Methali 22

Mfunze mtoto namna ya kuishi vizuri, naye hatasahau njia hiyo hata uzeeni.

Ukinyenyekea na kumcha Mwenyezi-Mungu, utapata tuzo: Fanaka, heshima na uhai.

Afadhali kuwa na sifa nzuri kuliko mali nyingi; wema ni bora kuliko fedha au dhahabu.

Usifanye urafiki na mtu wa hasira, wala usiandamane na mwenye ghadhabu

Mtu mkarimu atabarikiwa, maana chakula chake humgawia maskini.

Mtu mwangalifu huona hatari akajificha, lakini wajinga hujitokeza mbele wakaumia.

Tajiri humtawala maskini; mkopaji ni mtumwa wa mkopeshaji.

Matajiri na maskini wana hali hii moja: Mwenyezi-Mungu ni Muumba wao wote.

Usimdhulumu maskini kwa kuwa ni maskini, wala usimnyime fukara haki yake mahakamani. Maana Mwenyezi-Mungu atawatetea; atawapokonya maisha yao wale watakaowadhulumu.