Mistari Maarufu ya Biblia kutoka Atus 9

Shirikisha

Tane nherẽ, te Wanhib'apito hã Ananiaha ma tinha, ãne: — Mo oto itẽme aimorĩ. Ta hã aibâ hã wa tô ĩsima pisutu, ĩma romhuri'wa da, ĩnhisi hã te te 're âri da, zudeu'õ norĩ u, apito norĩ u duré Izaraéu nhihudu norĩ u zama.

Tahawa ma tô waptãrã, ti'ai u. Damreme ma tô wapa, te te tãma inharĩ hã ãne: — Saulu. Saulu. E marĩ wa, te ĩma 're irob'manharĩ wasété mo. Tawamhã Saulu hã te asa 'mahâ: — Apito, e 'wa hã, a hã. Damreme ma sada'â, ãne: — Wa hã Zezusi, tãma 're irob'manharĩ wasété mono.

Tawamhã Anania hã ma tô mo. Zudaha nhorõwa u ma tô ãzé. Tinhib'rada hã ma tô ãma tihi, Sauluhu nhisiwi. Ãne te tãma tinha: — Ĩsisãnawã Saulu, Wanhib'apito Zezusi, aima isihâi'ré bâdâdi na we aimorĩ ré, ta hã ma tô we ĩzatõ, apâ rob'madâ'â da, duré 'Re ihâimana u'âsi mono Pẽ'ẽzani 'masisi na iré aihâimana da. Tawamhã awa'awi pesere marĩ pe'a hâ ne hã ma tô Sauluhu tõmo hawi rere. Tahawa ma tô apâ rob'madâ. Hâiwi ma tô za. Â dawabzuri hã ma tô duré 'manha.