Mistari Maarufu ya Biblia kutoka San Mateo 10

Shirikisha

Ali yuyaywa kaychi, ñuka kankunata kachani obehakunatashina lobokuna chawpipi; chayrayku kaychi chapashpa machakuyashina, mukukushina mansu kaychi.

Maykanmi tarin kawsayninta, chinkachinkami; ashwan maykanmi chinkachin kawsayninta ñukaranti, tarinkami.

Ama manchaychichu kankunata wañuchinayak runakunata. Paykunaka wañuchishpankunapas mana atipanahunchu wañuchinata almaykichitaka. Ñuka rimaykichi, manchaychi maykanmi atipan aychaykichita almaykichitapas wañuchinata, chaymantapas atipan infiernuma wichunata.

Maykanmi mana krusninta aparishpan katiwanchu, manami kanchu ñukapa akllashkayni.

Maykan runami mana pinkashpa ñukamanta runakunapa puntankunapi riman Jesusta katik kani nishpa, paymantaka ñukapas silupi kawsak Yayayni Diospa puntanpimi rimasha kay runata riksinimi. Ashwan maykanmi runa masinkunapa puntanpi pinkashpa ñukamanta riman payta mana riksinichu nishpa, paymantaka ñukapas silupi kawsak yayayni Diospa puntampi rimasha kay runata mana riksinichu nishpa.

Anpiychi unkushkakunata, anpiychi leprayu unkuyukunata, wañushkakunata kawsachiychi, supaykunata llukshichiychi. Yaya Dios kankunata yanka yanapashkanrayku, kankunapas nima imata tapuychichu.

Chayrayku ama manchaychichu, kankunami ashwan yapa valik kankichi chay pishkustukunamanta.

Ama yuyariychichu kay allpama ñuka shamushkaynita kushilla kawsanata apamushpa. Manami shamushkanichu kushilla kawsanata apamushpa, ashwan shamushkanimi apamushpa sinchi makanakunata.