Mistari Maarufu ya Biblia kutoka Markus 9

Shirikisha

Yesu a ziŋgeŋ zlap, a zla: «Hwa zlap “Əŋgah, hwa gula” seh a mey? Ama əŋ hedi makuw ma seh, məsəkəŋ iyi fuk i ɗal za.»

Mbehmbeh mba, baba tə mbu, a ja varay, a zla: «Sa kəkuwah ma za, ama sey hwa təraka məŋgəvday sa abə kuw ma ɓəraŋ.»

Əŋ Yesu mə təɗ əŋ biŋ seh, gula ŋga iyi taataɗ tata abə mbiŋ, i ɗəpu, i zla: «Nini gula i gam mimiɗ madawar ta səku seh məŋgəvday a mey?» Yesu a ziŋgeŋta zlap, a zla: «Ley təɗaha ntaŋw tə mimiɗ madawar mənaŋ wa seh, sey abə ley ɗal mbuh.»

«Neweŋ seh, ar məsəkəŋ səntaŋ. Ama əŋgah ndərəm ŋga kəkuɗəp cuza seh, nakwa iyi nda i ɗal amba neweŋ ta, mə ndərəm baha seh, viŋgey? Hi mbaɗ əŋ hedi səntaŋ iyi mənaŋ neweŋ mə ndərəm əŋ məsəkəŋ. Hi nja əŋ zahay əŋ faŋw təheni.»

«Kwa viyey mə kuw mbu mekedek wa məŋgəvday miya na, a kuw seh, sa. Kwa viyey mə kuwaka, a kuw sa səku, ama a kuw seh hedi mə ləɓaka.»

Sa kəzlapaheni məndiwiŋ, hedi mə vəlaheni yim kʉsit məŋgəvday miya na, məŋgəvday heni hedi tə Almasihu iyi seh, a lim muwurɓay tə kəzəɗ ŋga za.»

Yesu a zlap baha, a zla: «Əŋgah hedi mə mba i təɗ hedi ntaɗ tə əŋ faŋw tə hedi na makuw ma sə kʉsit iyi wa ley ɗal hem seh, gelɓe əŋ mbiŋ, i mə jawaŋ nvəŋ səndawl əŋ wula, i mə nahaw əŋ talafay.

Əŋgah nje təkwa a kəmba i deɓeh ley ɗal hem, kʉslek nje ta. Gelɓe hwa mə təɗ əŋ Bay tə Bizlaf abə nje ntaɗ, a talaŋ hwa mə nda i təɗ əŋ lay tə tuwah tə kahaw mə cukwaɗ səku səlak abə nje təkwa bək tata iyi.