Mistari Maarufu ya Biblia kutoka Matta 16

Shirikisha

Ɓa, Yesu a zlapaŋta əŋ gula ŋga iyi, a zla: «Əŋgah hedi a kəmba i ziberekʉ, sey mə yak ley wulək a talaŋ ŋga, mə ɓət mpay mazlaŋgal ŋga, mə ziberekʉ.

Sa, sa kəzlapah, hwa seh, hwa Piyer, mənaŋ zlap ta “kefeɗ”. A talaŋ kefeɗ ta, sa nda i ɗiy jam talaŋ tə hedi makuw ma na iyi. Kwa fagay tə məc abə talaŋ ŋga a gula a ɗek halla.

Sa vəlah lekile kə rəz Bay tə wuzlaf za. Məsəkəŋ hwa mə jaw tə əŋ məŋhayak wa, məsəkəŋ ta, mə jewi a wuzlaf bahayim, məsəkəŋ hwa mə nda i pəlu tə əŋ məŋhayak wa, məsəkəŋ ta, mə pili a wuzlaf bahayim.»

Məŋgəvday hedi mə mba i reh mədəŋcur ŋga, a kuɗəpza za. Ama hedi mə nda i kuɗəp mədəŋcur ŋga məŋgəvday sa seh, a limza za.

Əŋgah hedi a lim məŋhayak fuk, ama kəkuɗəp mədəŋcur ŋga za seh, zay ta mey? Aka səku, məsəkəŋ hedi mə gula i vəl ley zlambaɗ mədəŋcur ŋga abə mbiŋ seh aka vaw?

Yesu a ɗəpta, a zla: «Heni bahayim, hi zlap sa seh, sa viyey?» Simaŋw Piyer a ziŋgeŋ zlap, a zla: «Hwa seh, Almasihu, Mbu tə Bizlaf tə abə nje.»

Yesu a zlapaŋgu, a zla: «Nja səntaŋ əŋ hwa aka Simaŋw, mbu tə Yawnas, məŋgəvday ma hwa mə giz wa seh, ar hedi mə gizeh səku, ama, ar Baba na tə wuzlaf mə gizeh.