Mistari Maarufu ya Biblia kutoka Lúkasa 21

Shirikisha

Nudɛɛ́b gá dúnɔ́, nubísógólonyi bigúl gidigid, ány nuganúbia magɛ́nda mɔ́gúbínɔɔn buanda gidigid búganúbiál, ány nugedélímín agám góbusió yaŋuá Mɔɔn wá mɔnd.»

«Ánubɛ́nyáŋanyáŋ! Nudidúmbényi gɛsɛgɛl gán gidigid gá mɔdɔ́mb, na gubálaan magɛ́b, na ɛŋágɛ́nɛ́n gá manda má gus. Kand nɔ́, gianta gá buɔ́s igiány genúbélédenyi

Númɔ́mínɔɔ́n, nugadáŋáb gusɔ́d gá kand nɛmanɛ́ná.»

Gágual ká yaŋuá muát ngenuéŋín gugál na nsiŋi nɛnama nɛ́nyá ká ta bambɛ́lɛmbɛ́l bán, bédídémbényí nanɔ ɔ́gɔ ká bébísid ubú nugɔnuɔ́yɔ.

Gus na muana ánɔ́dɔ́mb, moóny mám gɔg nyɛ nabánamana.

Yésu uwɔb nobusió na gugál, uganyɛ ká: «Melinsi gánɛ́gaan agá ɔɔ́ny, na agá oól, na agá muódód. Aya egegus band bá bɛdɔŋ gabá agá biméŋél, bákɛ́naan na gudɔgodɔ gá manáŋ abɔ́sa, na gá binob. Band geguénen na buwa bámábɛ́dága manda máganúbiála egegus. Gágual ká, Gɔdányá geyidin manda gidigid mányá ugumuana. Ány band ganuán gusiónd gám, yaŋuá Mɔɔn wá mɔnd agá nugánd na bugaga na nugúm gidigid.

Band giod gɛɛ́y bambɛ́lɛmbɛ́l bán gobusió bá ɔfɛ́n wám.

Gús gebiéyeen mɔkɔɔ́m mɔkɔɔ́m, nsana na bianta bá ɛgɔnɔ gabá, bigégén bá manda bíganúbiála ugumuana na bianta bá melinsi gaal ká band bianan buwa.»

Gigúl nugɔnuɔ́b bɔ́yɔ bide, band lɔ́nsɔ́gɔgaan, nudɛbiá buwa. Gágual ká búguófon ká manda amaány ákɛn gubiál. Ta anaány, gúman gá gus gabá gúmányɛ gúdɛ́bá egúy.» Uwɔ́yɛ́kɛnɛn ká: «Bɛdɔŋ genusenyinyi, mefuŋ nuanan mɔ́mɔ́ ná mɔ́mɔ́.

Yésu uwɔb nobusió na gugál, uganyɛ ká: «Melinsi gánɛ́gaan agá ɔɔ́ny, na agá oól, na agá muódód. Aya egegus band bá bɛdɔŋ gabá agá biméŋél, bákɛ́naan na gudɔgodɔ gá manáŋ abɔ́sa, na gá binob. Band geguénen na buwa bámábɛ́dága manda máganúbiála egegus. Gágual ká, Gɔdányá geyidin manda gidigid mányá ugumuana.

Uwɔ́yɛ́kɛnɛn ká: «Bɛdɔŋ genusenyinyi, mefuŋ nuanan mɔ́mɔ́ ná mɔ́mɔ́.

Uwondinyi bɔ́ ká: «Ánubɛ́nyáŋanyáŋ, mɔnd dinúnéní. Giod gá band gɔbiɔ́sɛgɔɔn agá gélem gá ɔfɛ́n wám, bɔ́gɔyɔ ká: “Yaŋuá inyá Kilíse” bónd bɔ́yɔ ká: “gɛsɛgɛl másiám”; nudɛlád bɔ́.