Mistari Maarufu ya Biblia kutoka Matiós 28

Shirikisha

Idánánɔ gɔg uguá egéndu ya guísi gidigid, nuéyenye bandɔ bebinene bámɛ, nuyumenye bɔ́ uguá ɔhɛ́n huá Síe na Muɔ́n na Gileénde giá Budányɛ. Nuond nuhuínyihuínye bɔ́ gubídígan bigodi biámɛ ibiɛ́ mménúhuínyihuínyé. Mmába hana gámɛ gɔg, nnyɛ naánanɔ mɔɔ́sɛ gidigid gueneg uguá nsúgúdinye ya binɛŋ gidigid.»

Yésuse uwakilɛn bɔ́, úmuanyɛ gɔ́b áneé: «Bámampuá buŋaŋa gidigid, ta ubúnya uguísi, ta ubúnya ugumɔn.

Gilúna igíɔ́yidɛn bagándɔ gɔg áneé: «Banuá bómodi nudibiá bugádɔ, yaálinsan áneé nuáguamba Yésuse uyɔɔ́ bɔ́ndɔ́n uguá nuag. Udibánd agá, gá giagiá waáhám uguá gibɛ́l haná úmɔnúɔ́yɔ́n, ógúnónón nuasián hɔɔ́m ɔhɔɔ́ waábá bidimina.

Yésuse uwɔyidɛn bɔ́ gɔg áneé: «Nudibiá bugádɔ, idánánɔ nuɔnɔyídɛ́n beliméen bámɛ áneé bógódi áneé bɛ́d Galilé hɔ́ bágaŋánánɔ́.»

Bedúmbinusámb abagɔ́n abagányɛ ebébídidid na bɔgɔ́ga gá idɔg, abáhám ugelu gá guéŋin nsénsi isigányɛ giod giá ŋŋúme, na silen bɔ́ áneé: «Nuɔyɛd áneé: “Búnyɛ bebinene bég bɔ́ bósóguólésíéb gilɔ́ŋ giég na budúg basuá gá dunɔ́.” Búméneg uguá idú siá ŋŋɔ́mɔna, basua digalinsanɔ́ hana digagálgalaá neéneg, diond dial áneé nudibiá meyú.» Nsénsi isíɔ́gɔ́l ŋŋúme, isíál hana bɔ́mɔyídɛ́n siɛ́, gúu ŋŋɔyida yɔ́b igányɛ ímésegídínyé uguá idú siá bayudɛ́n guesieg na behínen.