Mistari Maarufu ya Biblia kutoka Mark 9

Shirikisha

Muna atu rei ko Jesus, “E laoi e ma fai ea kee?! A nea kaatoa e ma faingaofia kia koia e fai tana fakatonu.”

I mo vakanga te mmana tangi atu arei kia Jesus, “Kuou e fai taku fakatonu, kae se makeke faka laoi. Sosoa mai kia kuou ke faka makeke!”

Ia tua o Jesus ku poi ki rota paito, na kau fanonga ne feesiri atu faka leku leku kiei, “Sea na atamai komatou si se matou maua ria ke fue kese te atua naa?” Tongoi atu rei ko Jesus kia ratou, “Te rotu fuarei ka nai fueina kese koa fai nea faka peinei kae siei fokia pe sea.”

“A vaitai e maatea rei na laoi, kae too kese na namu vaitai, ka fai faka fefea ke namu vaitai fokia? “Tera tuku te vaitai ke naa i otou ora katoa, ma te mafora ke naa ia kotou i nga vasia.”

“Pe koai e nai faka afea se tama riki riki faka peinei i toku ingoa, e nai faka afea ria kuou; ma pe koai e nai faka afea ria kuou, e nai faka afea ria siei kuou fuarei, kae koia fokia ne nai kauna mai kuou.”

Kuou e faka ari atu kia kotou te maori: Pe koai e nai soria atu mo vai ke kotou inu, natafito kotou o oku, koia ka see sara rei ka soria ko na tauvi.

“Kae pe koai e nai faia ria se nea ia punai tamariki nei ke taafuri kese ma ratou fakatonu ia kuou, e fetau fangatasi rei kia koia ke fii fatu ko na ua ta kave rei o faka too i rotonga vasa.

“Kae tou kafi mata e nai faia ria ko kee ke too ki te sara, kapea kese ki tua; e laoi sapa rei ke uru ki te Kainanga o Tupua ma te kafi mata sokotasi, kae siei ke peia ki te afi mo ou kafi mata e rua