Mistari Maarufu ya Biblia kutoka Mark 6

Shirikisha

E tokarava rei ko te kano fenua ne oomai mae ku oro, tera ko Jesus ma na kau fanonga siei rei mo vasia ma ratou ke kai iei, muna atu rei koia ki na kau fanonga, “Tatou oro ki tua maso kotatou ki se ngangea tatou fuarei, ta kotatou ke maanava faka molakea!”

Muna atu rei ko Jesus kia ratou, “Nga ʻprophetʼ e faka epa ria ia ngangea kaatoa, kae siei rei i na kee noforanga ia, ma i ana faoa ma na kanoa paito.”

Vasia ko Jesus ne sopo ki tua ma te vaka, nai ravea rei te kano fenua e tokkapi, ma na fatu manava ku pii i na arofa kia ratou, natafito koratou e fai pe nga sipi sipi e seke tangata reo. Tera tafito arei koia o ako koratou kia nea kaatoa.

Koia ku se ma fai rei ke fai ko ni furisanga i ngangea, kae koia e tuku fuarei ko ana rima ki faoa ngae ngae e soko soko fia, o faka maroro ea koia koratou. Ana mauri ku rere, natafito koratou e seke fakatonu. Tera ko Jesus ne poi vakai saere ia noforanga ia ngangea o fakaako ko te kano fenua.

Tera sau e Jesus koa foi preti e rima ma foi ika e rua, ono ki runga ki te vaerangi, iki arei ko te faka ue ue ki Tupua. Tera tofi tofi ea koia koa foi preti, sori rei ki na kau fanonga ke vaevae saere ki te kano fenua; ne vae fokia ea koia koa foi ika e rua kia ratou kaatoa rei. Koratou kaatoa ne kkai ne maakona rei. Tera na kau fanonga ne fao koa kete e fuanga furu ma rua ki aratou kai ne tee.