Mistari Maarufu ya Biblia kutoka Luke 6

Shirikisha

Sori ki rake faoa, ma Tupua ka soria atu kia kotou. E tonu rei, totou fakataunga ka sapa rei, ka soria atu ki otou rafi rima a nea kaatoa ka kotou faia. Te fakataunga e fai ea kotou ki rake faoa, ka faia atu e Tupua kia kotou fokia.”

Te tangata laoi e nai aumai ina ki tua koa nea laoi mai i na fatu manava laoi, kae te tangata pariki e nai aumai ina koa nea pariki mai i na fatu manava pariki. Natafito te tangata e nai munakina pe nia e pii i na fatu manava.

Siei! Fakapere ki te faoa e tau firi firi ko kotou ma fai faka laoi kia ratou. Sori ka see maanatu ke siaki mai. Otou sori laoi sapa ka sori atu, tera kotou ka fai a tama a te Tupua Maurunga Sapa. Natafito koia e laoi ki te faoa seke paanaki ma faoa tukunga pariki.

Manava arofa pe totou Mmana e manava arofa.

“Kau see faka tautara ki rake faoa, tera Tupua ka se nai faka tautara sia kotou. Kau see muna makeke ki rake faoa, Tupua fokia ka see muna makeke ki kotou. Fakangaro koa sara a rake nea, ma Tupua ka nai faka ngaromia ina otou sara.

“Kuou ka faka ari atu kia kotou koai ma e fakarongo kia kuou: Fakapere ki te faoa e firi atu kia kotou, fai faka laoi kia ratou koai ma e fai teke atu rei kia kotou; fakatapu ria koratou e tautuku kia kotou. Rotu kia ratou koai ma e fai pariki kia kotou.

Fai fokia faka peeraa ki rake faoa, pe ko kee fokia e fifia kia koratou ke fai mai kia kee.

Kae pe koai e nai pakia tou faasi karafau, tuku atu take tou faasi karafau fokia. Kae pe koai e nai saua ria ko tou suru tino, tuku take tou suru tino fokia ke sau ea koia. Sori kia ratou e kaisi atu pe nia, ma pe koai e sau pe nia ma au i ou kope kopenga, kau see muna kiei ke fokisaki mai.

“Te raakau ora laoi ka si see fua pariki ma te raakau ora pariki ka si see fua laoi.

Nga raakau kaatoa e iroa ina mai ia ratou fua raakau e fua ifo. Ko kee ka see ffaki koa fuei ʻfigʼ mai ia raakau suki suki, pe faka maopo mai koa ʻgrapeʼ mai i te uruvao.