Mistari Maarufu ya Biblia kutoka फिलिप्पियो 2

Shirikisha

मतलबी मत बणौ या झूठी बड़ाई मत करौ, पर नरमाई ऊं एक दूजा नै खुद ऊं बढ़ नै हमजो। हर एक खुद रा भला री नीं, पर दूजा रै भला री भी सौचे।

जिण तरैह ऊं यीसु मसीह रौ सभाव हो, वैड़ौ थौरो भी रैवै।

वे परमेसर हा, पर खुद नै परमेसर रै बराबर रैवण री कोसीस नीं की। पर सगळौ छोड़नै, दास रा रूप में मिनख बण्या। अर मिनख रै रूप में अपणै आप नै इता नेना कर दिया के, हुकम मांनता सूली माथै मौत भी चैन कर ली।

क्यूंकै परमेसर हीज आपरी इछा नै थौरे मन में परगट करै अर वो हीज इणरै वास्तै कांम करणै री ताकत भी दैवै है।

इण कारण ऊं परमेसर उणौनै सबां ऊं महान करिया अर उणौनै ऐड़ौ नाम दियौ जिकौ सगळै नामों ऊं ऊंचौ है। ताकी जिकौ की भी सरग में अर धरती माथै अर जिकौ धरती रै नीचे है, वो सगळा यीसु रै नाम में गोडा टेकें, पिता परमेसर री मेमा वास्तै, हर एक री जीभ ओ मांन ले के, यीसु मसीह ही परभु है।

सब कांम बिना बड़बड़ाया अर बिना झगड़ै ऊं किया करौ। ताकी थै इण दुनिया रा नगटा अर पापी लोगां रै बीच में परमेसर रा निरदोस अर पवितर मिनख बण्योड़ा रौ अर दुनिया में तारा रै ज्यूं चमकता रैवौ।

इण वास्तै लाडला भाइयो, जिण तरैह ऊं थै हमेसां म्हारौ हुकम मांनता आया हो, उण ही तरैह ऊं अबै भी जद में थौरे ऊं आगौ ऊं, म्हारौ हुकम मांनता रौ। परमेसर में आदर अर कैणौ मांनता खुद रै छुटकारो रै वास्तै कांम करता रहीजौ।