Mistari Maarufu ya Biblia kutoka Maruku 6

Shirikisha

Kǝthlǝm nafchǝ terchan nakan ɗǝt tǝ ɓat kaɗi, mbǝs wandǝ mbanda kǝ sǝmndǝ ǝna wa, ndang kǝ Yesu tanda wa, “Ɓama tamǝ kǝmɗi nawaktǝ nafchi si, kǝthlǝm kǝ yipmǝn minni.”

Ndang kǝ Yesu tanda wa, “Thlǝ fǝranchi fee maanda thlǝ shenuˈta tǝ yahti Farta chika tǝyeni, mangga mǝɗi maandǝn, hur wanmanchaˈan, tǝ wirˈyanda, thlǝ chǝwaktǝ fee wa.”

Kǝ tǝrkǝ Yesu kah hur kwombawal taˈan, nakan nafchi terchan. Paɗ haɗan kǝ nafchiɗi fa, kǝthlǝm nechandǝ kǝɗ chohrechǝ ɗi nawak tǝ thlǝ parat si. Chat nggak kan chaˈanda ichi har samǝn samǝn.

Mbahǝn wa chit ǝna saka indǝ minni wa. Ɗǝf kan her kǝ ɗar fowun nafchǝ ɗǝmok nech haˈchan ndak, kǝnan kan tandǝ kaɗi. Sakan kǝ inda Yesu, kǝ ɗar kumi fǝr kit ˈyanda. Wiˈyan Yesu wan mǝrǝɓcha, nakan chaˈandǝ ndikti Farta kaɗi.

Tǝrkǝ Yesu ɓilsheɗi ɗǝrman tǝ yirefɗi chap yu, thlaˈankan indiyan kafǝrta, changkan Farta usoko. Chichenkan ɓilsheɗan ha, fǝrangkan kǝmsichiyan, kǝ chakkaandǝ nafcha. Yirǝfɗi chap yu paɗ, chakankan ha kǝthlǝm nafchaˈan nat. Nat nda sǝm kanda, paɗ nggalkanda. Kǝmsichiyan paɗ ngomman kandǝ takǝt chiche ɓilsheɗi, tǝ yirǝf ɗi. Ndiɗantǝ inafta kum nggǝrsǝ chap.