Mistari Maarufu ya Biblia kutoka Genesis 39

Shirikisha

Josefa mugara gerago ga kere, morwa HOMPA pwendi ga kere, makura ta kara membo lyahekurwendi goMuegipite.

Nayinye eyi ga wekere makura ta yi sigire Josefa, nayimwe si hena eyi nga pakere mbili mwene, ntudi kulya kwelike makura. Nye Josefa kwa kere norutu roruwa nosipa sosiwa.

Nonkwate nadinye edi da kere modorongo, mukurona godorongo ta di gava mepangero lyaJosefa, nkenye eyi yokuhepa kurugana mo, yige nga yi rugana.

HekurwaJosefa makura ta tumu vantu, va ka mu kwate, va ka mu zedilire modorongo, mevega omu va zedilira nonkwate dahompa, yimo ga ka kere nkwate. Nye HOMPA pwaJosefa ga kere, ta mu ragopeke, ta hameke mutjima gomukurona godorongo kwendi.

Ya pwa oyo, mukadahekurwendi meho kooko kwaJosefa, makura ta ninki asi: “Tu rare.” Nye age ta nyoka, ta tantere mukadahekurwendi asi: “Tarenisi, hekurwange kapi ana kupakera ko hena mbili kweyi yemembo morwange; nayinye eyi ga weka, mwange ana yi gava. Age kapi ga paka epangero membo omu lyokupita lyange, age hena neisi ga silika ntudi nyovelike, morwa ove mukadendi. Ngapi omu nani rugana‐rugana udona wa hura opo, ni zone kwaKarunga gwange!”

Ano ezuva limwe Josefa ta wiza monzugo asi a ya rugane yirugana yendi, vantu vemembo awo mutupu. Ogo mukadi makura ta mu kwata kerwakani lyendi, ta tanta asi: “Tu rare.” Nye age olyo erwakani ta li mu sigire momawoko, makura ta duka a pwage.