Mistari Maarufu ya Biblia kutoka Genesis 28

Shirikisha

Tara, ame poge na kara, ano ame hena ngani ku kunga nkenye oku ngo za, dogoro ngani ku rugwide mosirongo esi. Ame kapi ngani ku siga dogoro noku ngani sikisa mo eyi na ku tantera.”

HOMPA makura ta sikama keguru lyaso, ta tanta asi: “Ame nyame HOMPA, Karunga goguhwo Abirahamu naIsaka. Sirongo esi ono rara ngani si ku pa ove noruvharo roge.

Opo ngoso Jakopo makura ta pinduka monompofu dendi, ta tanta asi: “Yosili, HOMPA yipo ga kara apa pevega eli, ame kapi nina yi divire.”

Jakopo makura ta gana mugano asi: “Karunga nsene a kara name, a kunge nge monzira ezi nina kuza, nye ta pe nge mboroto zokulya noyikoverero yokudwara, nye ngani tengure kembo lyotate ni muwaawa, hawe, HOMPA ngano nga kara Karunga gwange. Neli emanya eli na dike, li kare sidiviso, ngali kara nzugo zaKarunga, ano mwanayinye eyi ngo pa nge, ngani ku pa mo nawa‐nawa yiumurongo.”

Ano ruvharo roge ngaru kara ngwendi mbundu zevhu, ove ngo litawinina koUtokero nokoUpumezuva nokorwaMuzogo nokorwaMbindakano, ano moge nomoruvharo roge yimo ngava tungikira maruvharo nagenye gokontunda zevhu.

Ano olyo evega ta li ruku asi Beteli (kuninka asi ‘Nzugo zaKarunga’), nye doropa ozo edina lyazo lyanare, Rusu.