Mistari Maarufu ya Biblia kutoka اِنجیلِ لوقا 6

Shirikisha

هادین تا شِمارِ هادا بَوو؛ یَتِه مَنَّر پِر هاکِرد و فِشار هادا و دِکِت هادا و سَر مَشت بَوِه شِمِه دامَنی دِلِه بَریخت وونِه! چون هر مَنَّری هَمرا هادین، هَمون مَنَّری هَمرا شِمارِ هادا وونِه.»

خارِ مَردی شی دِلی خِبِ اَمباری جا خِبی بار اُرنِه و بَدِ مَردی شی دِلی بَدِ اَمباری جا بَدی بار اُرنِه. چون زِوون اونچی گه دِلی دِلِه سَر مَشتِه ای جا، گَب زَنِّه.

ولی شِما شی دِشمَنِنِ مِحَبَّت هاکِنین و وِشونِه خِبی هاکِنین و بِدون هَینگه پَس بَیتنی فِکر دَووئین وِشونِه قَرض هادین، چون شِمِه پاداش گَتِ و خِدای مِتعالی ریک ریکا وونِنی، چون وی ناشِکرِن و بَدکارِنی هَمرا مِهرَوونِه.

پس رَحمین ووئین، هَمونجور گه شِمِه آسِمونی پیر رَحمینِه.

داوَری نَکِنین تا شِمِنِه داوَری نَوو. مَحکوم نَکِنین تا مَحکوم نَووئین. بِبَخشین تا بَخشیدِه بَووئین.

«ولی اِی شِما گه می گَبِ اِشنُنِنی، شِمارِ گِمِه شی دِشمَنِنِ مِحَبَّت هاکِنین و اونانیگه شِمِه جا بیزارِنِه رِه خِبی هاکِنین. هر کی شمارِ اَراشت کِنِّه وِشونی سِه دِعای بَرکت هاکِنین، و هر کی شِمارِ آزار دِنِه ویسِه دِعای خِیر هاکِنین.

مَردِنی هَمرا هَمونجور رَفتار هاکِنین گه اِنتِظار دارِنی شِه شِمِه هَمرا رَفتار هاکِنَن.

اگه کَسی تی دیمی یَتِه وَرِه چَک بَزو، شی دیمی هون وَرم دَگِردان تا بَزِنِه. اگه کَسی تی قَوارِه تیجا خوایسِه بَیرِه، بِل تی جِمِه رِه هَم بَوِرِه. اگه کَسی یَچی تیجا خواینِه وِرِه هادِه، و اگه تی اَموالِ بِزور بَیتِه، نَخوا تِرِه پَس هادِه.

«هیچ وَخت خِبِ دار، بَدِ میوِه بار نیارنِه، و هیچ وَخت بَدِ دار خِبِ میوِه نَدِنِه.

هر داری رِه وی میوِه ای جا بِشِنِه بِشناسیَن. نِشِنِه لَم تَلی ای جا اَنجیل بَچیَن و تَمِش گِلِه ای جا اَنگور!