Mistari Maarufu ya Biblia kutoka Make 12

Shirikisha

Ersa kieliewo, "Ji 1 gieshi ene wo, Isilie ya, chenliendu! Ezhan mai Hudashi zi niekozi wo. Chi qienbuji zhughe, qienbuji jinshen, qienbuji sumulaku, qienbuji lilianghalane Ezhan Hudadene ore giezho. Jie 2 gieshi ene wo, goyadene mutun giebeidene ore giezho. Ene ghua minlinse fugieni uwo."

Ersa tujilane uruzhi ire kieliewo, "Bi tande shuhua kielieye, ene nanxin guafu xianzide teisan soyuji kunlase olon wo. Kunla olonsene teiwo, guafude yama uwoma, udu daoku baerlane man teiwo."

Ersa mechii baer teiku xianzii duimiende soudene kunla matui baer teisanyi uzhezho. Olon bayan kunla xianzide baer olon teizho. Nie nanxin guafu iredene ghua fenfenzi baer teizho.

Qienbuji zhughe, qienbuji sumulaku, qienbuji lilianghalane Ezhan Hudadene oreku, pse goyadene mutun giebeidene oreku yanyanji sideraghaku sidagha, ogiku murelase zhunyo wo."

Ersa kieliewo, " Kaisa nughunshi Kaisa de ogi, Hudanughunshi Hudade ogi." Ingiese hhela Ersa de hende ghanirazho.