Mistari Maarufu ya Biblia kutoka Markos 6

Shirikisha

Tamiitem kee tadiyem mangum kuuk yininyaako, beetoona gantah waqhte luuk miyiniinimhi sabbatah, usuk: “Sinni ulah dagum tacrafoonak, kata zibo kin cara fanah nedee” akko yerhxe.

Yeesus lel: “Nabii ishi dik hi daafo, ishi zamad kee ishi careeko beexinille xishma-le” akko yerhxe.

Usuk jalbaako oobe gedda mangum mango xiyaw yuble. Loyna hin ciido balih kuuk yiniinimhi sabbatah lel mangum raxmah uluc akko xarhen. Mango xaajuj lel ten yaydaraso erherhishe.

Gaba alle hayeyaako laxuute dago mara uruseyaako bextih, amalle mangum naba abitto maabinna. Ten imaan waytoh lel cibrah rabe. Aydurusuk lel diikakalle yuzuure.

Koona kinnas kee lamma caasatto beyeh, agana carshedde kulux-yerhxeh dhaaco alle abeyaako amaa kinnos yigdileh amaa xiyawah yasqarraboona katattaynitille yoxoye. Amaa lamma caasatto lel umbuka tenah xazizziile. Usun lel inkoh beeteenih xayten. Amaa raace butur kee caasaako lel yemmeege lamman kee taman jambiiliya yooqhocin.