Mistari Maarufu ya Biblia kutoka Markos 12

Shirikisha

Yeesus: “Ummannimko nabati: ‘Israa-eel oobba, Maddara kin ni Yalli, Maddari inketta kinni. Maddara kin ishi Yalla umbuka ishi afcaadooko, umbuka ishi rooxeeko, umbuka ishi xangalko, umbuka ishi xaylaako ikxin.’ Malammi lel: ‘Ishi zoobatto lel ishe balih ikxin.’ Tayimko naba amri miyane” yerhxeh alle yedebbe.

Ishi katattaynitih lel akah deecimeh: “Ta baaxenta kin gubna umbuka ta muttuxuwat sanduqhuh axawuk yane maraako ziyaada toxoyeh tanem, rummah sinak arhxiyuk ane. Tayim lel usun inkoh sinni mangumko yoxoyin, ishe laakin ishi waytooko luuk tinem inkoh akah marritimto taarhigeya toxoyemhi sabbatah kinni” akko yerhxe.

Usuk maqhdas carih muttuxuwat sanduq agaagalle defeyeh xiyaw amadde solaadi hayak macalsiite. Mango gaddaalit lel mangum adde hayak yinin. Wuli baaxenta kin gubna lel temeeteh wuli inki tacriifa gufinnixe lamma santiim adde hayte.

Umbuka afcaadooko, umbuka fahme kee umbuka xaylaalih yakxiniinim, kee zoobatto sinne balih yakxiniinim umbuka xararishen muttuxuwa kee sadaqhaako naba” akko yerhxe.

Yeesus: “Roomaati naba nugus-him kinam Roomaati naba nugusuh, Yallihim kinam lel Yallah uxuwa” akko yerhxe. Usun lel cibrah raben.