Mistari Maarufu ya Biblia kutoka NINGPAWT NINGHPANG 39

Shirikisha

Dai MADU gaw Yosep hte rau nga nga ai rai nna shi hpe awng dang shangun wu ai.

Hputihpa mung shi lu ai arung arai mahkra hpe Yosep e yu lajang na matu, shi a lata hta ap ya wu ai rai nna, shi sha ai lusha hta kaga hpa hpe mung shi nan n hkan chye nang ra wu ai. Yosep chyawm gaw hkum shingyan galu kaba nna ahpraw nsam mung htap nga ai.

Dai rai nna shi gaw Yosep hpe kaga bawng masha ni yawng hpe hpareng na ahkang ap ya wu ai rai nna htawng kata galaw na bungli lit shagu hpe mung shi hpe hpajang shangun mu ai.

hkawhkam wa a bawng masha ni rawng ai htawng hta shi hpe bang da wu ai rai nna dai yang e shi bawng dung nga wu ai. Rai ti mung dai MADU gaw Yosep hte rau rai nga ai majaw shi hpe shaman ya wu ai; htawng agyi wa mung shi hpe ra sharawng nga wu ai.

Kade n na yang, shi madu a madu jan mahtang Yosep hpe ra gasit hpang wa nna shi hte rau yup na matu saw lajin wu ai. Yosep mahtang n hkraw ya ai rai nna, shi hpe, “Yu u, ndai yang ngai nga nga nngai majaw nta kata na arung arai hpa hpe mung nye a madu shi nan n chye da ra nu ai. Shi lu malu arai mahkra hpe hpareng lajang ya na matu mung ngai hpe ap da ni ai. Ndai nta hta shi lu ai daru magam ahkang aya zawn ngai mung lu nngai. Nang hta kaga hpa mung ngai hpe shi hkum shingdang da ai n rai; dai re ai mi, dai zawn n hkru ai amu hte Karai Kasang hpe ngai kaning di shut hpyit lu na rai nga a ta?,” ngu nna tsun wu ai.

Rai ti mung, lani mi na aten hta, Yosep gaw shi a amu galaw na nga, nta nhku de shang wa yang, dai yang e nta na shangun ma langai mi mung n nga nga ai. Dai numsha gaw shi a palawng galu hpe magra jum da nna, “Sa rit, ngai hte yup ga,” ngu wu ai. Rai ti mung shi chyawm gaw shinggan de kagat hprawng mat wa nna dai numsha a lata hta palawng galu hpe tawn kau da wu ai.