Mistari Maarufu ya Biblia kutoka LUKA 17

Shirikisha

Wambile kuli iye ngwenyi, Katuka, uye kwe, Ufulielo we hiwakupwisa mungunu.

Nyi kachi makuvulumuna yisuho shimbiali ha tangwa, ni yisuho shimbiali matewulukila cheka nawa kuli yena, ngwenyi, Ngunalikonyeka; ukamukonekene.

Mba umwe wa kuli ayo, muze amwene ngwe wahindukile, wahilukile ni liji linene nikuchichimieka Zambi; iye wafulamanyine ku yiliato yenyi nikumusakwila, neye Ka-Samaria.

Keyelenu kuli yenwene; kachi ndumbwe makuvulumuna, mukanjise; nyi kachi malikonyeka, umukonekene.

Yesu, yamukumbulula, ngwenyi, Kuma, kahindwishile kumi, nyi? Mba livwa alihio?

Mwene wambile ngwenyi, Kachi munupwa ni Ufulielo ngwe lunona wa mosetate; kachi munwamba ku musuwa uno ngwenu, Tangumuka, ulitumbe mu kalunga-lwiji; kumuunwononokena.

Mweswe mafupa kulamwina mwono wenyi, kumakautokesa; ni mweswe mautokesa, kumakaulamwina.

Iye wambile kuli tumbaji twenyi ngwenyi, Kuchahashile kupwa shina yitalingiso muyiza; alioze lamba kuli yoze mayineha! Hapwa ajichike liwe lia kutwa nalio ha kota yenyi, amumbile mu kalunga-lwiji, kuchina matalingisa umwe wa kuli wano akepe.

Chizechene ngwe kwapwile ha matangwa ja Noe, chocho nawa muchikapwa ha matangwa ja mwe Mwana Mutu. Alile, anwine, ambachile, ahangishile ku malo, ndo tangwa lize Noe wanjilile mu ulungu, ni sanga lia meya liejile, likonwone eswe.