Mistari Maarufu ya Biblia kutoka ROOMU SOKKA 8

Shirikisha

Magano baxxannorira, hedosi garinni woshshantinorira Maganu coye baala danchummate assannota anfoommo.

Kunnira, reyono ikkito heeshsho, sokkaasineno ikkito gashshaano, xa noohano ikko gedensaanni daannohu, aye wolqano ikkito, iimiidino ikko woriidi, wole kalaqamano ikkiro, Mootichinke Kiristoosi Yesuusi widoonni afi'noommohu Maganu baxilliwiinni badankera dandaannori nookkita afoommo.

Huucci'nanni gara egenninoommokki daafira, wolqa hoogankera Qullaawu Ayyaani kaa'lannonke. Qullaawu Ayyaanino, kulle dandiineemmokki hinciiccamanni ninke afoo ikke huuccannonke.

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

Kiristoosi Yesuusinni noorira xaate qorichu yoo diyinanninsa.

Maalu hedonni amadama reyo abbitanno; Ayyaanu hedonni amadama kayinni heeshshonna keere uyitanno.

Kunni baalunku coyinni kayinni baxinonkehu Kiristoosinni qeeltinore roorreemmo.

Xaa qarri, albillittete daankera noo ayirrinyi ledo taashshiniro, mite nafa yinannikkiha ikkinota egennoommo.

Maahoyyena, Kiristoosi baxilliwiinni badankera dandaannohu ayeti? Qarru, shetto, dartu, hude, kallimma, waajjillunso bagadu badannonke?

Mannu wodana egennino Magani, Qullaawu Ayyaani hedo maatiro afino. Hatto ikkannohu, Qullaawu Ayyaani qullaawu mannira Maganu hedo garinni huuccanno daafiraati.

Maganu Ayyaani hoode hadhannori, Maganu oosooti.

Maalu garinni heedhannori, maalu halchonni amadantanno. Ayyaanu garinni heedhannori kayinni, Ayyaanu halchonni amadantanno.

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

Maganu Ayyaani ninke ayyaani ledo Maganu ooso ikkanke farci'ranno. Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

Maalu coyinni amadamino manchi Maganu ledo gibbote; Maganu Seerirano dihajajamanno; hajajameno diafanno.

Kalaqamu baalu, Maganu ooso la"ate quqquxame agadhe no.

Kalaqamu baalu mitteenni techo geeshsha gametenni amadame uranni noota anfoommo.