Mistari Maarufu ya Biblia kutoka Roome 8

Shirikisha

Ɗegerii kɛ ola baŋɛ ijaag Waakoyot mentankaata a joop sigɛ porur sɛɛnik, sigɛkan riyɛɛ sɛɛg koɓiɗa nɛɛkaakik.

Mɛlɛkɔta siniŋ, kɛygun rer kɛygun bɔdɛ, kɛygun wosɛytaana Waakoyotoŋk, kɛygun suumiyɛ ɗookoŋk, kɛygun ola sigɛ ɓɛɛlɛr sisɔk, kɛygun ola sigɛkoy mɛlɛrkik, kɛygun ɓaŋkawukaatak, kɛygun jeeɗoka, kɛygun ɓukurka, kɛygun ola ɔgɔ baŋɛ sigɛɓa riiɓɛɛk baŋɛ. Ki oolɛ a tin pakatiki mɛyin Waakoyotoŋk sinaanɛkan laŋii goy Suumi naŋk Yeese Kereseekiŋ.

Ɛɓɔrɛ kɔnyɛr tin Wɛɛŋa sigɔ Geetitaanakik bɔɔlakaat naŋk. Kii ɗegerɔɔn kɛ ɗɛyɛ tina a ɗanɗamaakii agut jikon, mayakana kalɛyiɗi tina Wɛɛŋa sigɔ Geetitaanakik bandurɔɔn sinɔɔnɛ ki gayɛ a yaaŋɛɛ toniiɗŋɔŋk.

Anɛ tonii ɛk agut any sini? Ɔkɔn Waakoyo a eteŋk agut omoŋ, nɛ wooɗ sinɛ tin ɓooyuk?

Agut sini kɛɛ goopan joope sigaagɛ sisɔ atu Yeese Kereseek

Ege riiɓ ɓayaayoŋk ant taaroŋk rer, ma ege riiɓ ɓayaayoŋk ant Wɛɛŋakoŋk wɛɛŋa a bɔdɛ.

Nɛ lɔsii ola sigi baŋɛ arkii rakaay lɔstaanakɛ goy nɛɛkɛ Sɛɛn sinaanɛɓa tin poruk.

Ikoma rakatɛ naŋk sinɛ sisɔk a ito kɛɛ any saa paariɗɛɛ a eemɛyɔn sinɛkoy tina yaaŋɛ ɛɛkik.

Wooɗ sinɛ tin pakatiki mɛyin Kereseek? Rakatɛ, maŋk ɓakɛ, maŋk epapay, maŋk ŋaawu, maŋk konaanikeen, maŋk rakatɛ sinɔ ɓaŋkawuŋɔŋk, maŋk aarɛ?

Sɛɛn sinɛ mermen ɓayɛtun gaŋkik ɗeger koɓi Wɛɛŋakoŋkuŋ, agut sinɔ kalɛyiɗi Wɛɛŋak joopa sigaaga geetitaanakik oko ɗɛyan Waakoyotoŋk.

Ege joop sigɛ sɛɛg diiler Wɛɛŋa Waakoyotoŋk tɔɔmɔk Waakoyotoŋk.

Joop sigɛ beeɗir oko ɗɛyan taaroŋkuk riiɓer ɓayɛtun gɛŋk ɗɛyaan taaroŋk, ma joop sigɛ beeɗir ɗɛyaan Wɛɛŋakoŋkuk riiɓer ɓayɛtun gɛŋk ɗɛyaan Wɛɛŋakoŋk.

Sɛɛn kiigeeɗɓa sanɗit Tɔɔn nɛɛkɛk yakanaɓa gaɓɛ sɛɛn eteŋka baŋɛ, nɛɓɔrɛ tina ki gaɓɛɛɗ ola baŋɛ a sɛɛn agut omoŋ?

Waasɛr tina Wɛɛŋa Waakoyotoŋk a wɛɛŋa gaŋk kɛ eteŋk tɔɔmɔk Waakoyotoŋk. Ɔkɔn sisɔ eteŋk tɔɔmɔkuŋ, nɛ eteŋk joop sigɛkoy mooniik, eteŋk Waakoyotoŋk sigɛkoy mooniik a Keresee agut omoŋɔŋk. Ɔkɔn eteŋk kaastaanak rakatɛ nɛɛkik a sɛɛn agut omoŋ eekeerɛŋ, nɛɓɔrɛ eteŋk sigɛkoy kaasii eemɛyɔn nɛɛkik a sɛɛn agut omoŋɔŋk.

Nɛ agut sini ege riiɓ ɓayaayoŋk ant taaroŋk gumaakikeen a Waakoyok. Ki ɓalɗiit higiya Waakoyotoŋk, ki oolɛ a ɓalɗigeeɗiŋ

Kookor riiɓ baŋɛ a lageeɗ ŋɔɗɔ yaaŋɛɛt tɔɔmɔk Waakoyotoŋk.

Ɗegerii kɛ riiɓ baŋɛ bandur a ito suusuwi amɗ ɔɔtɛ ɓartɛɛtoŋk mɛlɛɛɗa sisɔwa.