Mistari Maarufu ya Biblia kutoka ರೋಮಾಯೆರೆಗ್ 4

Shirikisha

ಆಯನ ನಂಬಿಕೆ ಆಯನ್ ಬುಡ್ತುಜಿ. ಆಯೆ ದೇವೆರೆ ವಾಗ್ದಾನೊನು ಸಂಶಯ ಮಲ್ತ್‌ಜೆ. ಆಯನ ನಂಬಿಕೆ ಆಯಗ್ ಬಲ ಕೊರ್‌ಂಡ್; ಆಯೆ ದೇವೆರೆಗ್ ಮೈಮೆ ಕೊರಿಯೆ. ದೇವೆರ್ ತನ ವಾಗ್ದಾನೊಲೆನ್ ನಡಪಾವೆರೆಗ್ ಸಮರ್ಥೆ ಪಂಡ್ದ್ ಪೂರ್ತಿ ದೃಢ ನಂಬಿಕೆ ಇತ್ತಿನಾಯೆ ಆಯೆ

ಯಾನ್ ನಿನನ್ ದಿಂಜ ಜನಾಂಗೊಲೆಗ್ ಮೂಲಪಿತೃ ಆದ್ ನೇಮಕ ಮಲ್ತ್‌ದೆ ಪನ್ಪಿನೆನ್ ಶಾಸ್ತ್ರೊಡು ಬರೆತಿ ಪ್ರಕಾರ, ಅಬ್ರಹಾಮು ನಂಕ್ ಮಾತೆರೆಗ್ಲಾ ದೇವೆರೆ ದೃಷ್ಟಿಡ್ ಮೂಲಪಿತೃ ಆದುಲ್ಲೆ. ದೇವೆರ್ ಸೈತಿನಾಕುಲೆನ್ ಜೀವ ಮಲ್ಪುನಾಯೆ ಆದ್‌ಲಾ ಇಜ್ಜಾಂದಿನೆನ್ ಉಪ್ಪುಲೆಕ್ಕ ಲೆಪ್ಪುನಾಯೆ ಆದ್‌ಲಾ ಉಲ್ಲೆ ಅಂದ್‌ದ್ ಅಬ್ರಹಾಮು ನಂಬಿಯೆ.

ದೇವೆರ್ ಆಯನ್ ನಮ ಅಪರಾಧೊಲೆಗಾದ್ ಮರಣೊಗು ಒಚ್ಚಿದ್ ಕೊರ್ದು ನಂಕ್ ನೀತಿವಂತೆರ್ ಇನ್ಪಿ ನಿರ್ಧಾರ ಉಂಡಾಪಿನೆಕ್ಕ್ ಜೀವೊಡು ಲಕ್ಕಾಯೆ.

ನಿರೀಕ್ಷೆಗ್ ವಾ ಆಧಾರ ಇಜ್ಜಾಂಡಲಾ, ಅಬ್ರಹಾಮು ನಂಬುದು ನಿರೀಕ್ಷೆಡ್ ಕಾತೊಂದಿತ್ತೆ. ಅಂಚಾದ್ ಪಾಕ ಜನಾಂಗೊಲೆಗ್ ಅಮ್ಮೆ ಆಯೆ. ಶಾಸ್ತ್ರೊಡು ಪನ್ತ್ಂಡ್, “ನಿನ ಸಂತಾನ ಬಾನ ಬೊಳ್ಳಿದಾತ್ ಹೆಚ್ಚಾಪೆರ್.”

ಅಂಚಾದ್ ವಾಗ್ದಾನ ನಂಬಿಕೆದ ಮಿತ್ತ್ ಆಧಾರ ಆದುಂಡು, ಆ ಹಕ್ಕ್ ದಯೊಡ್ದೇ ತಿಕ್ಕುನವು ಅಬ್ರಹಾಮುನ ಸಂತಾನದಾಕುಲೆಗ್ ಮಾತೆರೆಗ್ಲಾ ಈ ವಾಗ್ದಾನ ಸ್ಥಿರತ್ತವು ಆದುಂಡು. ನ್ಯಾಯಕಟ್ಟ್‌ನ್ ಆಧಾರ ಮಲ್ತೊಂಡಿನಾಕುಲೆಗ್ ಮಾತ್ರ ಅತ್ತಂದೆ, ಅಬ್ರಹಾಮುಡು ಇತ್ತಿನ ನಂಬಿಕೆ ಇತ್ತಿನಾಕುಲೆಗ್ಲಾ ಸ್ಥಿರೊಟ್ಟು ಉಂತುಂಡು.

ಎಂಚಂದ್ಂಡ, “ಏರೆನ ಅನ್ಯಾಯೊಲು ಬುಡುಗಡೆ ಆತ್ಂಡ, ಏರೆ ಪಾಪೊಲು ಪರಿಹಾರ ಆತ್ಂಡ ಅಕುಲೇ ಭಾಗ್ಯವಂತೆರ್. ಕರ್ತವೆ ಏರೆನ ಪಾಪೊಲೆನ್ ಲೆಖ್ಖೊಗು ದೆತ್ತೊನುಜೆನಾ ಆ ನರಮಾನಿಯೇ ಭಾಗ್ಯವಂತೆ.”

ನೆತ್ತ ಸಂಗತಿಡ್ ಶಾಸ್ತ್ರ ಪನ್ಪಿನೆನ್ ಆಲೋಚನೆ ಮಲ್ಪುಲೆ, “ಅಬ್ರಹಾಮು ದೇವೆರೆನ್ ನಂಬಿಯೆ, ಆ ನಂಬಿಕೆನೇ ಆಯನ ಲೆಖ್ಖೊಗು ನೀತಿದವು ಅಂದ್‌ದ್ ಗೆನ್ತ್‌ದ್ಂಡ್,” ಅಂದ್‌ದ್ ಪನ್ಪುಂಡು.