Mistari Maarufu ya Biblia kutoka ರೋಮಾಯೆರೆಗ್ 3

Shirikisha

ದಾಯೆಗಂದ್ಂಡ ಮಾತೆರ್ಲಾ ಪಾಪ ಮಲ್ತ್‌ದ್ ದೇವೆರೆ ಮೈಮೆಡ್ದ್ ದೂರ ಪೋತೆರ್. ಆಂಡ ದೇವೆರೆ ಧರ್ಮಾರ್ಥ ದಯೊಡ್ದಾದ್, ಯೇಸು ಕ್ರಿಸ್ತಡ್ದ್ ನೀತಿವಂತೆರ್ ಅಂದ್‌ದ್ ತೀರ್ಪು ಆಪುಂಡು, ಕ್ರಿಸ್ತೆ ಅಕ್ಲೆನ್ ಬುಡುಗಡೆ ಮಲ್ಪುವೆ.

ದೇವೆರೆಡ್ದ್ ಆಪಿ ಆ ನೀತಿ ಒವ್ವು ಅಂದ್ಂಡ ಯೇಸು ಕ್ರಿಸ್ತನ್ ನಂಬುನೆಡ್ದೇ, ನಂಬುನಾಕುಲೆಗ್ ಮಾತೆರೆಗ್ಲಾ ವ್ಯತ್ಯಾಸದಾಂತೆ ತಿಕ್ಕುನವು ಆದುಂಡು.

ಉಂಬೆ ತನ ನೆತ್ತೆರ್‌ನ್ ಗುತ್ತುದು ನಂಬಿಕೆ ಇತ್ತಿನಾಕುಲೆಗಾದ್ ಪಾಪ ಮಾಪು ಆವೊಡು ಅಂದ್‌ದ್ ದೇವೆರ್ ಉಂಬ್ಯನ್ ಎದುರು ದೀಯೆರ್. ದೇವೆರ್ ಪಿರಾಕ್‌ದ ಪಾಪೊಲೆಗ್ ಶಿಕ್ಷೆ ಕೊರಂದೆ, ಸಹಿಸೊಂದಿನೆಡ್ದ್ ತನ ನೀತಿನ್ ಇತ್ತೆದ ಕಾಲೊಡು ಇಂಚ ತೋಜಾದ್ ತಾನ್ ನೀತಿಸ್ವರೂಪಿ ಆದ್‌ಲಾ ಯೇಸುಡ ನಂಬಿಕೆ ದೀಪಿನಾಕುಲೆನ್ ನೀತಿವಂತೆರ್ ಅಂದ್‌ದ್ ನಿರ್ಧಾರ ಮಲ್ಪುನಾಯೆ ಆದ್‌ಲಾ ತೋಜಾವೊಂಡೆ.

ದಾಯೆಗಂದ್ಂಡ ವಾ ನರಮಾನಿಲಾ ನ್ಯಾಯಕಟ್ಟ್‌ದ ಪ್ರಕಾರ ನಡಪುನೆಡ್ದ್ ದೇವೆರೆ ಸನ್ನಿಧಾನೊಡು ನೀತಿವಂತೆ ಅಂದ್‌ದ್ ತೀರ್ಪು ಆಪುಜಿ. ನ್ಯಾಯಕಟ್ಟ್‌ಡ್ದ್ ಪಾಪದ ತಿಳುವಳಿಕೆ ಗೊತ್ತಾಪುಂಡು.

ಉಂದು ಶಾಸ್ತ್ರೊಡು ಬರೆತಿ ಪಾತೆರೊಲೆಗ್ ಸರಿಯಾದುಂಡು, ಅವು ದಾನೆಂದ್ಂಡ “ನೀತಿವಂತೆ ಇಜ್ಜೆ ಒರಿಲಾ ಇಜ್ಜೆ ತೆರಿದಿನಾಯೆಲಾ ಇಜ್ಜೆ. ದೇವೆರೆನ್ ನಾಡುನಾಯೆಲಾ ಇಜ್ಜೆ. ಮಾತೆರ್ಲಾ ಸಾದಿ ತತ್ತ್‌ದ್ ನಡಪುವೆರ್. ಮಾತೆರ್ಲಾ ಕೆಲಸೊಗು ಬರಂದಿನಾಕುಲಾದುಲ್ಲೆರ್. ಎಡ್ಡೆಂತಿನೆನ್ ಮಲ್ಪುನಾಯೆ ಒರಿಲಾ ಇಜ್ಜೆ.

ನರಮಾನಿಲು ನ್ಯಾಯಕಟ್ಟ್‌ದ ಕ್ರಿಯೊಲುದಾಂತೆ ನಂಬಿಕೆಡ್ದೇ ನೀತಿವಂತೆರಂದ್‌ದ್ ನಿರ್ಧಾರ ಮಲ್ಪುನಾಯೆ ಆದ್ ತೋಜಾವೊಂಡೆ.

ಮಾತ ನರಮಾನಿಲು ಸುಳ್ಳುಗಾರೆರಾಂಡಲಾ ದೇವೆರ್ ಸತ್ಯವಂತೆನೇ ಸರಿ, “ನಿನ ಮಾತ ಪಾತೆರೊಡುಲಾ ಈ ನೀತಿವಂತಲೆಕ್ಕ ತೋಜಿದ್ ಬರೊಡು; ನಿನ ಮಿತ್ತ್ ವ್ಯಾಜ್ಯ ನಡಪುನಗ ಈ ಗೆಂದೊಡು,” ಪಂಡ್ದ್ ಬರೆತ್ಂಡ್.