Mistari Maarufu ya Biblia kutoka 2 ಕೊರಿಂಥ್ಯೆರೆಗ್ 5

Shirikisha

ಅಂಚಾದ್ ಏರಾಂಡಲಾ ಕ್ರಿಸ್ತಡ್ ಉಲ್ಲೆಡ, ಆಯೆ ಪೊಸ ಸೃಷ್ಟಿ ಆದುಲ್ಲೆ; ಪರತ್ತ್‌ದವು ಕಡತ್‌ದ್ ಪೋಂಡು, ಇಂದಾ ಮಾತಲಾ ಪೊಸತಾಂಡ್.

ದೇವೆರ್ ಪಾಪದಾಂತಿನ ಕ್ರಿಸ್ತನ್ ಎಂಕ್ಲೆಗಾದ್ ಪಾಪಿಯಾದ್ ಮಲ್ತೆ. ನಮ ಕ್ರಿಸ್ತಡ್ದ್ ನೀತಿವಂತೆರ್ ಆವೊಡು ಅಂದ್‌ದ್ ದೇವೆರ್ ಇಂಚ ಮಲ್ತೆರ್.

ನಮ ತೂಪಿನಾಕುಲಾದ್ ಉಪ್ಪಂದೆ ನಂಬುನಕುಲಾದೇ ಬದುಕುವ.

ಬೊಕ್ಕ ಉಂದು ಮಾತಲಾ ದೇವೆರೆಡ್ದೇ ಉಂಡಾಯಿನವು. ಆಯೆ ನಮನ್ ಕ್ರಿಸ್ತಡ್ ತನ್ಕ್ ರಾಜಿ ಮಲ್ತೊಂದು ರಾಜಿ ಮಲ್ಪುನ ಸೇವೆನ್ ಎಂಕ್ಲೆಗ್ ಕೊರ್ತೆ. ಅವು ದಾನೆಂದ್ಂಡ ದೇವೆರ್ ನರಮಾನಿನ ಪಾಪೊಲೆನ್ ಅಕ್ಲೆ ಲೆಖ್ಖೊಗು ದೆತ್ತೊನಂದೆ, ಲೋಕೊನು ಕ್ರಿಸ್ತಡ್ ತನ್ಕ್ ರಾಜಿ ಮಲ್ತೊಂಡೆ ಪನ್ಪಿನವೇ. ಆ ರಾಜಿದ ಸೇವೆನ್ ಸಾರಿಯೆರೆ ಎಂಕ್ಲೆನ್ ನೇಮಕ ಮಲ್ತ್‌ದೆ.

ಎಂಕುಲು ಕ್ರಿಸ್ತನ ರಾಯಭಾರಿಲು ಆದುಲ್ಲ. ಅಂಚಾದ್ ದೇವೆರೇ ಎಂಕ್ಲೆ ಪಗತೆಗ್ ನಟ್ಟೊನ್ವೆ. “ನಿಕುಲು ದೇವೆರೆಡೊಪ್ಪ ರಾಜಿ ಮಲ್ತೊನ್ಲೆ,” ಅಂದ್‌ದ್ ಕ್ರಿಸ್ತನ ಪುದರ್‌ಡ್ ನಿಕ್ಲೆಡ ನಟ್ಟೊನ್ವ.

ಬೊಕ್ಕ ಆಯೆ ಮಾತೆರೆಗಾದ್ ಸೈತಿನೆಡ್ದಾವರ ಬದುಕುನಾಕುಲು ನನ ದುಂಬು ತನ್ಕುಲೆಗಾದ್ ಬದ್‌ಕಂದೆ, ಅಕ್ಲೆಗಾದ್ ಸೈತ್‌ದ್ ಜೀವೊಡು ಲಕ್ಕ್‌ದಿನ ಕ್ರಿಸ್ತಗಾದ್ ಬದುಕುವೆರ್. ಅಂಚಾಯಿನೆಡ್ದ್ ನನ ದುಂಬು ಎಂಕುಲು ಏರೆನ್ಲಾ ಲೋಕದ ರೀತಿಡ್ ತೆರಿಯುಜ; ಕ್ರಿಸ್ತನ್ ಎಂಕುಲು ಲೋಕದ ರೀತಿಡ್ ತೆರಿಯೊಂಡಲಾ ನನ ಅಂಚ ಮಲ್ಪುಜ.

ಕ್ರಿಸ್ತನ ಪ್ರೀತಿ ಎಂಕ್ಲೆಗ್ ಒತ್ತಾಯ ಮಲ್ಪುಂಡು. ದಾಯೆಗಂದ್ಂಡ ಮಾತೆರೆಗಾದ್ ಒರಿ ಸೈತಿನೆಡ್ದಾವರ ಮಾತೆರ್ಲಾ ಸೈತಿ ಲೆಕ್ಕ ಆಂಡ್ ಅಂದ್‌ದ್ ತೆರಿಯೊಂಡ.