Mistari Maarufu ya Biblia kutoka 1 ಕೊರಿಂಥ್ಯೆರೆಗ್ 15

Shirikisha

ಅಂಚಾಯಿನೆಡ್ದ್ ಎನ ಪ್ರೀತಿದ ಸಹೋದ್ರೆರೇ, ನಿಕುಲು ಸ್ಥಿರಚಿತ್ತೊಡ್ಲಾ ದೃಢಾದ್‌ಲಾ ಉಪ್ಪುಲೆ. ನಿಕುಲು ಕರ್ತವ ಪುದರ್‌ಡ್ ಮಲ್ಪು ಪ್ರಯಾಸ ವ್ಯರ್ಥ ಆಪುಜಿ ಅಂದ್‌ದ್ ಎನ್ನೊಂದು ಕರ್ತವ ಕೆಲಸೊಲೆನ್ ಏಪಲಾ ಮಸ್ತ್ ಆಸಕ್ತಿಡ್ ಮಲ್ಪುಲೆ.

ಆಂಡ, ದೇವೆರ್ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಂಕ್ ಜಯೊನು ಕೊರ್ತೆ, ಆಯಗ್ ಉಪಕಾರ ಸ್ತುತಿ ಆವಡ್.

ಮೋಸೊಡು ಬೂರಡೆ, “ಪಡಿಕೆಂತಿನಾಕುಲೆ ಒಟ್ಟುಗು ಸೇರೊನುಂಡ ಎಡ್ಡೆ ನಡತೆನ್ ತೆಟ್ಟಾವುಂಡು.”

ಆಂಡ ಇತ್ತೆ ಯಾನ್ ಎಂಚಿನಾಯೆ ಆದುಲ್ಲೆನಾ, ಅವು ದೇವೆರೆ ದಯೊಡ್ದೇ. ಎನ ಮಿತ್ತ್ ತೋಜಿದ್ ಬತ್ತಿನ ಆಯನ ದಯ ವ್ಯರ್ಥ ಆದುಪ್ಪುಜಿ. ಯಾನ್ ಬೇತೆ ಅಪೊಸ್ತಲೆರೆಡ್ದ್ ಹೆಚ್ಚಾದ್ ಕಷ್ಟ ಪಡೆಯೆ. ಆಂಡ ಕಷ್ಟ ಪಡೆಯಿನಾಯೆ ಯಾನತ್ತ್, ಎನ ಮಿತ್ತುಪ್ಪುನ ದೇವೆರೆ ದಯೆನೇ.

“ಓ ಮರಣ, ನಿನ ಜಯ ಓಲು? ಓ ಮರಣ, ನಿನ ವಿಷತ ಕೊಂಡಿ ಓಲು?” ಮರಣದ ಕೊಂಡಿ ಪಾಪನೇ; ಬೊಕ್ಕ ಪಾಪದ ಬಲೊಕು ಆಧಾರ ಮೋಶೆನ ನ್ಯಾಯಕಟ್ಟಲೆ.

ಕೇನ್ಲೆ ಇದ ಮುಟ್ಟ ಗುಟ್ಟುಡಿತ್ತಿನ ಒಂಜಿ ಸಂಗತಿನ್ ನಿಕ್ಲೆಗ್ ತೆರಿಪಾವೆ. ನಮ ಮಾತೆರ್ಲಾ ಸೈಪುಜ; ಆಂಡ ದೇವೆರ್ ಎಂಕ್ಲೆನ್ ಮಾತೆರೆನ್ಲಾ ಬದಲಾವಣೆ ಮಲ್ಪುವೆ. ಆಂಡ ಕಡೇತ ತುತೂರಿದ ಶಬ್ಧ ಆನಗ ಒಂಜಿ ಕ್ಷಣೊಟೇ ಕಣ್ಣ್ ಮುಚ್ಚಿ ಜಪ್ಪುನೆತ್ತ ಉಲಯಿ ಉಂದು ಆಪುಂಡು. ತುತೂರಿ ಉರ್ಪುನಗ ದೇವೆರ್ ಸೈತಿನಾಕುಲೆನ್ ಲಕ್ಕಾದ್ ನಾಶ ಆವಂದಿನಾಕುಲಾದ್ ನಮ ಬದಲಾದ್ ಪೋಪ.

ದಾಯೆಗಂದ್ಂಡ, ಒರಿ ನರಮಾನಿಡ್ದ್ ಮರಣ ಬತ್ತಿಲೆಕ್ಕನೇ ಒರಿ ನರಮಾನಿಡ್ದೇ ಸೈತಿನಾಕುಲೆಡ್ದ್ ಕುಡ ಲಕ್ಕಾವುನಲಾ ಉಂಡು. ವಾ ರೀತಿಡ್ ಸುರುತ್ತ ನರಮಾನಿ ಆದಾಮುನ ಸಮ್ಮಂಧೊಡ್ದು ಮಾತೆರ್ಲಾ ಸೈಪುನಾಕುಲಾಯೆರಾ, ಅವ್ವೇ ರೀತಿಡ್ ಕ್ರಿಸ್ತನ ಸಮ್ಮಂಧೊಡ್ದು ಮಾತೆರ್ಲಾ ಜೀವ ಆವೆರ್.

ದಾಯೆಗಂದ್ಂಡ ನಾಶಾದ್ ಪೋಪಿನ ಈ ಶರೀರ ನಾಶಾವಂದಿನೆನ್ ಪಾಡೊನುಂಡು; ಮರಣೊಗು ಅಧೀನವಾದುಪ್ಪು ಈ ಶರೀರ ಅಮರತ್ತ್ವೊನು ಪಾಡೊನುನವು ಅಗತ್ಯ.

ದಾಯೆಗಂದ್ಂಡ ದೇವೆರ್ ಮಾತ ವೈರಿಲೆನ್ ಕ್ರಿಸ್ತನ ಕಾರ್‌ದಡಿಕ್ ಪಾಡುನ ಮುಟ್ಟ ಆಳೊಡಾಪುಂಡು. ಮರಣ ಕಡೇತ ವೈರಿ ಆದ್ ನಾಶ ಆಪುಂಡು.