Mistari Maarufu ya Biblia kutoka LUKA 8

Shirikisha

Na jila ja he msau wedi, ni vala vesikia kiteto na ngoro jedi jerongeke, vakakigurisha; niho vakagera ntunda kwa kugumirija.

Na jila jegwie he mivwa, ni vala vesikie, na he mitongire yavo vakabandanywa ni mabinuko a mari, na luizihiro lwa kimwiri, vasikuje kintu neri.

Na vala veho he mrarabwe, ni vala vekisikia, veghuhia icho kiteto na kuizihirwa; navo vesina miji, veitikija ikenda idori, na igheri la kugheshwa, vesongera.

Akavati, “Mwitikijo wenyu uohi?” Vakafoleka, vakamaka, vekiteta vo venye na venye, “Ni ani uu, etetia nkungu na mpombe vimsikie?”

Vala veho nzieni ni vala vesikie, vekikenja, Shetani akaza akavusha icho kiteto he ngoro javo, vasireitikija vakakia.

Ambu tehena kintu chevesike chesikarefunukurwa; neri chevisiwe chesikaremanyika na kufumirira boo.

Ula mche akivona iti teidima kukuvisa, akaza ekizingiza, akagwa mozya hakwe, mozya he vantu vose, akamgaiya cheshighie ekimkunta, na sa vuntu ebanjijwe hala indi. Akamti, “We mwana wa kiche, mwitikijo wako wakukija; tonga na mporere.”

Vakamswia, vakamvusha, vekiti, “Mfumwa, Mfumwa! YTuho he kutetka!” Akavuka, akabohia nkungu na mkushiko wa mpombe, vikahuja, hakahoa do.