Mistari Maarufu ya Biblia kutoka MÁKHI 6

Shirikisha

Néphan khɛ́n ebhá khɛ́n élo ɔn, wo thubhɔ kpɛ́ɛ́n, áchɛ́se Jezwi le mɛ́n yíchwɛmán ɔ́nmɔn lé gɛ mɔ́nsi khɛ́n álí nɛn lɔ. Lóhɛ́nthé Jezwi kranman yíchwɛmán sa: – Ɔ́n ma hɛ́n oló ásibɛn ajanbu ká njɛ, ló ɔ́n fikhwá kpɛ́bɛn.

Lótɛ Jezwi kranman nkɔn sa: – Ási khúnbrɛn ápɛ ájí se bhwetɔ́tréwo, khɛ́n mɛ́n nbrɛn khúbhɛ́ si oho-e, mɛ́n mándonɛ́n le mɛ́n bháthónɛ́n ɔ́nmɔn hrómɛn nɔn alepɛ jí se.

Lóka Jezwi chan hran mɛn dithé, ńwu ápasá bhróbhrobhé lókɔn, nkɔn phɔ etɛ nfɛkhu, nkɔn tɛ́ nkɔn tɛsa ńgbankhran alepɛ nkɔn bówo hɛ́nthé, ló ńnie wo yí búdúbúdú.

Lóne, Jezwi le gɛ tɛ hɛ́nmɛntányí brɛ bhrɔ́ɔ́. Ńmɔ́n pán ńmo tre lɔ́phɔmán kpɛ́bɛn tho, ló ńtɛ wo phɔ jan. Ló wo mímíbhú wo le pɛ ɔn, lóbhwe etɛn hɛ́nmɛn. Lómánji, Jezwi lo ákhúbhɛ́ chɛ́-nchɛ́ abha lóne jɛ́ njɛ khúnbrɛn hrómɛn élie yí.

Lótɛ Jezwi khwɛn kpánhɔn mwannán le ácɔn mɔn lókɔn, ńgbɛnɛn wu tho, ló ńna Yankan nansi. Ńthwɛ kpánhɔn, ńkhwɛn se yíchwɛmán sa wo lwa sé néphan, ló ńnwa ácɔn mɔn lɔ se wo khúnbrɛn. Wo khúnbrɛn wo tha, ló ási wo mɛn. Yíchwɛmán khwɛn kpánhɔn le ácɔn tháthá akha, ási ńkrwɛbhɛ́ áwɔ́-mɔn.