Mistari Maarufu ya Biblia kutoka LWIKHI 12

Shirikisha

Hɔ́n lɔ, tɛmɛ ɔ́n haphɔ chré, átɛsalé Lephan Mi bha bhó áka yábhɛ khɛ́n ɔ́n ma lé hámwanhɛ́n bhá.

Tɛmɛ Yankan Bhringbi khúbhɛ́ bhwe olí hɔ́n thɛ́n, khɛ́n lómánji Yankan bha bhó áyí khúnbrɛn akha bhɔ́tho sé hɔ́n.

Lómánji ńtɔ se néphan khúnbrɛn sa: – Ɔ́n bo hɔ́n bɛn nbrɛn, ló ɔ́n há bhringbilí ánimán lephan bánban phɔ mwanhɛ́n, lée lephan, kasé bhringbi khóo ɛli lɔ, hɛ mɛpɔ́bhá mímí le bha hɛ yí khóo ɛpɛ hromɛn.

Átɛsalé lósi khɛ́n hɔ́n jayí tre ɔn, lóne nɔn hɔ́n thɛ́n lɔ tré.

Hɔ́n hrómɛn, abɛn nɔn ábha khɔ́ mɛ́n mwanhɛ́nbhu dɔndɔn hromɛn chɛ́ mɛ́n mɛpɔ́bhá cí bhɔ́tho háne npɔ ɛ?

Lómánji Jezwi kranman mɛ́n yíchwɛmán sa: – Lóhɛ́nthé nɔn achɛ mɛɛ́n kranmán hɔ́n salé: Hɔ́n nɛn ɔ́n ma gɛ lí khɛ́n ɔ́n ma bhá mɛpɔ́, le hɔ́n dɛgɔn ɔ́n ma gɛ mrwɛn hɔ́n phɔ nánmí, lóhɛ́nthé ɔ́n ne tɛ́ dandan.

Hɔ́n hɛ́nyro nwɛ́ abha hɔ́n hɛ́nthé lɔ, Yankan yɛn lómɛ́n. Ɔ́n ne sókhú a, hɔ́n jɛ khɔnman brɛn ngbi jɛ!”

– Ɛle sókhú, hɛ ɔn, ɛtɛsa ńgbankhran go bhri bɛn a! Áníman hɔ́n The salé anmó Yankan-Bhringbi khúbhɛ́ sé hɔ́n.

Ɔ́n gbɛnɛn wu ńkákájɔnmánkɛ a: wo lé ha nyámí lɔ, saji wo lé bhú nyámí lɔ, wo le pɛ ńgɔn nkhú lɔ, ákɔ lɔ wo le pɛ, lótɛ khɛ́n Yankan sé wo nɛn wo lí! Hɔ́n jɛ khɔ́nman brɛn ńkɔ́cran jɛ!

Ɔ́n ne chré lí gbre ákakhúnbrɛn nɛn hɔ́n yí ɔ́n ma lí le hɔ́n yí ɔ́n ma nán.

Ńbi wɛ́-nwɛ́ abha bithe tre ncɛ́n, khɛ́n npi óbha jan fɔ́nká tɛn hromɛn: kasé Yankan khwa nkɛ dɛgɔn, wú hɔ́n-ɛ nɔn anman nɛ́n khwa hɔ́n dɛgɔn bánbrɛn nɛn! Ɔ́n wu lósi hɔ́n mímíbhú khɔ cha!

Cíbɛn, áyí khɛ́n ahrɔman tre bha phwanká nphrámɛn, ló néphan bha yɛ́n áyí khúnbrɛn abha kpɔ́thé tre.