Mistari Maarufu ya Biblia kutoka Efesios 3

Shirikisha

Ja Dyosi, ayni yip b'a oj ya jitsan yuja ja janek' wax k'anatiki. —Mini t'un oj na'tik jastal oj sk'u'luk ja Dyos b'a oj skoltayotik sok ja yipi. Jpetsaniltik ja janek' jmoj alijel xa jb'ajtik yuj ja Kajwaltik Jesusi, jel t'ilan oj toytik ja ye'n b'a spetsanil k'ak'u, jach'ni'a.

Yuj ja jel niwan ja slekilal sok ja stsamalili, ja'yuj wax k'anayi ja Dyos a ya' yip ja wa waltsilex sok a stsatsal k'ujolukex ja Yespiritu. Wax cho jk'anayi ja Dyosi, tix ajyi b'a wa waltsilex ja Kajwaltik Jesusi, mas lek yuj ja ye'n waxa wa'a sniwanil a k'ujolexi, jaxa we'nlexi toj ajyanik sok ja syajal wa k'ujolex sok ja Dyosi, cho jach'ni sok ja tuk wa mojex jumasa. Jach'ni ja we'nlex sok spetsanil ja tuk jumasa ma' yuntikilotikxa ja Dyosi, oj ja wabyex sb'ej lajan ja jastal ja syajal sk'ujol ja Kajwaltik Jesús b'a slechanal ja lu'umi. Wax k'anayi ja Dyos a sje'a wi'ex ja syajal sk'ujol jawi, ja' mas niwan yuj ja jastal wax b'ob' jna'tiki, jachuk a ya'wi'ex spetsanil ja Dyos ja jas t'ilan oj ya'wi'exi.

Sts'akatal ja Kajwaltik Jesusi, yuj ja wax k'u'antik ja ye'n, ja'yuj mixa wala xiwtik ja wala ochtik ja b'a sti sat ja Dyosi.