Mistari Maarufu ya Biblia kutoka Colosenses 1

Shirikisha

Ye'n ya elkotik ja Dyos ja b'a yoj k'ik'inal aytik ajyi, ti yi'ajotik b'a wa kulan ja yunini

Yuj ja ye'n, ja'yuj ja Dyosi, sk'u'lan spetsanil ja jas wax ilxi b'a satk'inal sok b'a lu'um k'inali, ja jas wax b'ob' ilxuki sok ja jas mix b'ob' ilxuki, cho jach'ni ja ma' ik' ason ay ek'i jel ja yipe, sok wax b'ob' yal'e ke ayni lek ya'tele'. Yuj ja Kajwaltik Jesusi, ja'yuj ch'ak sk'u'l spetsanil ja Dyosi, sok nakani sb'aj ye'n ja Kajwaltik Jesusi.

Ja Kajwaltik Jesusi, ja mito jas ay ja b'a lu'umi, jaxa ye'n ti'xani aya. Yuj ja ye'n, ja'yuj ay lek sb'ej ja jastal ay ja kosa jumasa

Ja Kajwaltik Jesusi, jani yunin ja Dyosi, ja ye'ni ti'xani ay ja yora mitox kujlaji ja satk'inal sok ja lu'umi; ja ye'n jachuk ja jastal ja Dyos it mix kilatiki.

Man yajni kab'tikon spetsanil ja jastal iti, mini t'un wax ka'tikon kan sk'umajel ja Dyos yuj ja we'nlexa. Sok wanix k'anatikon yi ja Dyos a ya a na'ex ja jas wa sk'ana ja ye'n sok a ya a na'ex spetsanil ja jas t'ilan oj a na'exi, cho jach'ni ja jas oj ya a na'ex sok ja jas wax ya'a na'ex ja Espiritu Santo. B'a jach' oj b'ob' ajyanik jastal wa sk'ana ja Kajwaltiki, jaxa ye'n jel gusto oj ajyuk a mokex yuj ja wax ch'ak a k'u'lukex spetsanil ja jastik b'a leki, oj cho a na'ex jastal ay ja Dyosi.