Mistari Maarufu ya Biblia kutoka Matheyo 24

Shirikisha

Niwoko na waandyeerereiya otakhala, osivela wa ancipale onuuriire, mene yoowo anaavilele mpaka ommaleloni anaavuluxiwe.

Ni masu ooreeraxa ala a omwene eniilaleiwe mweelaponi yootheene ntoko onamoona wa miloko sootheene, ni vahoolowaya onuuwe ommaleloni.

Nyuwo mmwiiwe sa ikhotto ni suulummwaka sa ikhotto, vano mwiipasoope weera muhituthuwe. Ontthuneya weera itthusene seiyo seereiye, mene iyo khasinthoonyera ommaleloni.

Elapo eniiwane ni elapo, aani, omwene onuuwane ni omwene. Nsikhale itala ni otetereiya wa mapuro makina. Sootheene iyo nsikhale ompacereroni wa ovoreiya wa oyara.

Wiirimu ni vathi onuuvire, mene maswaaka kheerwa eviratho.

niwoko ancipale eniirwe mwa Nsinanaka yeeraka: ‘Miyo ti Kristu,’ ni eniyaalokotthe ancipale.

Vano awo eniyoovaherereni weera musoondiwe ni mmwiiviwe. Nyuwo mmwithanyiwe ni ilapo sootheene niwoko na Miyo. Ehuhuweene yeeyo, ancipale eniihapuwe munroromeloni, evarihanaka ni esoondanaka akina ni akhwaaya. Maprofeeti oowootha ancipale eniiwe ni eniyaalokotthe ancipale.

Yeesu aawaakhula: “Mwiipasoope weera ahikhale aneera oolokottheni

Hiiho nyuwotho ontthuneya wiireherera, niwoko Mwaana a mutthu anaawe ewoora nyuwo mungwehereraanyu vakhaani.

Tivawo, mukhale oowehaweha, niwoko khamusuwenle nihuku angwaaya Apwiyaanyu.

Nihuku ni ewoora khaawo asuwenle, hata andyelo a wiirimu, hata Mwaana, ehikhanle Atiithi paahi.

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Ntoko yaakhumelenlaaya mahuku a Nowe, hiihotho onuukhale moowaani wa Mwaana a mutthu. Vano, mahuku a khalayi ale, sihinaaye mirupi, atthu yeera ecaaka, ewuraka, ethelaka ni ethelanaka, mpaka nihuku nenne Nowe aavolongwaawe munikulani. Awo khayiiwexenxe mpaka saaphiyalaaya mirupi ni saakuxalaaya ootheene. Hiiho eniyeereiye moowaani wa Mwaana a mutthu.