Mistari Maarufu ya Biblia kutoka Matheyo 14

Shirikisha

Oonnaawe epheyo weera yaari yoolipaxa, aahoova ni apaceraka oneela, aakhuwela: “Apwiya, mukivuluxe!” Woowaakuveya Yeesu aahookola moonowaawe ni aamvarela, eeraka: “Mulopwana a nroromelo vakhaani! Heeni nyuwo muhovenlaanyu?”

Oonnaawe epheyo weera yaari yoolipaxa, aahoova ni apaceraka oneela, aakhuwela: “Apwiya, mukivuluxe!”

Yeesutho aaweerela woowaakuveya: “Mulipiheke mirimasanyu, ti Miyo! Muhoove!”

Pedru aamweerela: “Apwiya, mwaari ti Nyeenyu, mukilamule weera kirwe kookumananeni vasulu wa maahi.” Yeesu aamwaakhula: “Ngweeke!” Vano Pedru aakhuma munikulani, aneetta vasulu wa maahi, anarowa wa Yeesu.

Awo yaari munikulani mmwe yaanimuttottopela Yoowo yeeraka: “Vekhaikhai, Nyuwo ti Mwaana a Muluku!”

Yeesu aawaakhula: “Khoontthuneya orowa, mwaavahetho nyuwo etthu weera eceeke.” Awo yaamweerela: “Va nrino ipaawu ithanu ni ihopa piili paahi.”

Yeesu aaheera: “Mukiwiihere va!” Owo aahaalamulela atthu ancipale weera ekilaathiki vathi. Akuxaka ipaawu ithanu ni ihopa piili ni awehaka osulu wiirimu, aamutthapela Muluku ni aameiyanyiha ipaawu. Vahoolowaya aahaavaha oohuseraawe, enaakawela atthu ancipale.

Ootheene yaahooca ni yaavona. Oohusera yaattottanyiha ni yaasariha mipapara muloko ni miili sa mivithe saahanle.