Mistari Maarufu ya Biblia kutoka Rom 10

Shirikisha

Ahabw'okuba ku oryatura n'akanwa kaawe, oti: Yesu ni Mukama, kandi waikiriza omu mutima gwawe ku Ruhanga yaamuzoire omu bafiire, oryajunwa.

Manya omuntu aikiriza n'omutima, reero aheebwa okuhikiirira; ayatura n'akanwa, reero aheebwa okujunwa.

N'ahabw'ekyo okwikiriza kuruga omu byahurirwa, n'ebyahurirwa biruga omu kurangirira Kristo.

Ekyahandiikirwe nikigira kiti: Weena omwikiriza tariitwa nshoni. Ahabw'okuba tihariho mutaano gw'Omuyudaaya n'Omuguriiki: manya Mukama ogwo omwe niwe Mukama wa boona, kandi atungisa boona abamuhoogyera. Nk'oku ekyahandiikirwe kirikugira kiti: Weena orihoogyera eiziina rya Mukama aryajunwa.

Kandi baryarangirira bata, batatumirwe? Nk'oku kyahandiikirwe kiti: Ka ni birungi ebigyere by'abarikurangirira Amakuru Marungi!

Kwonka baryamuhoogyera bata, batakamwikiriize? Kandi baryamwikiriza bata, batakamuhurirahoga? Baryahurira bata, hatariho murangirizi?

Manya omuri Kristo nimwo eiteeka ryahikiiririziibwe, ngu weena orikumwikiriza abone kuheebwa okuhikiirira.