Mistari Maarufu ya Biblia kutoka Mat 24

Shirikisha

Mpaho ahabw'obugomi kukanya, okukunda bw'abaingi kuryahora. Kwonka origumisiriza akahika aha muheru, niwe arijunwa.

Kandi Amakuru Marungi g'obukama bwa Ruhanga garyarangirirwa omu nsi yoona, kuhamiza amahanga goona; haza obwo emperu ehikye.

Kandi muryahurira engamba n'emibuuro yaazo; haza mutaryekanga, ahabw'okuba ebyo n'eby'okubaho; kwonka emperu yo eryaba etakahikire.

Manya eihanga riryateera erindi ihanga, n'obugabe buteere obundi, kandi habeho enjara n'emitsitsa omu myanya mingi; kwonka ebyo byona biryaba biri entandikiro y'eby'obusaasi.

Eiguru n'ensi biryahwaho, kwonka ebigambo byangye tibirihwaho.

Manya baryaija baingi nibaanyeyeterera nibagira bati: Niinye Kristo; haza bahabise baingi.

Obwo baryabahayo okubonabonesibwa, babaite; muryayangwa amahanga goona ahabw'eiziina ryangye. Reero baingi baryagwa, bareebyane kandi bangane. Haryaimuka abarangi baingi b'ebishuba bahabise baingi.

Yesu nawe abagarukamu ati: Mwerinde, hatarigira n'omwe owaabahabisa.

N'ahabw'ekyo naimwe mugume mweteekateekire, ahabw'okuba timurikumanya bunaku obu Omwana w'omuntu ariiziramu.

N'ahabw'ekyo mugume nimureeba, ahabw'okuba timurikumanya kiro ki Mukama waanyu ariiziraho.

Manya eby'ekyo kiro n'obwo bunaku tihariho orikubimanya, nobu baakuba baamaraika b'omu iguru, nangwa nobu yaakuba Mwana, kureka Ishe wenka.

ahabw'okuba haryaimuka Ba-Kristo b'ebishuba n'abarangi b'ebishuba, bakore obumanyiso bukuru n'eby'okutangaaza kuhabisa nangwa n'abatoorainwe, kyaba nikibaasika.

Nk'oku kyabaire omu biro bya Noa, n'okwija kw'Omwana w'omuntu nikwo kuriba. Manya abantu b'omu biro ebyabandiize omwegyemure bakaba nibarya, nibanywa, nibashwera kandi nibashwerwa, okuhitsya aha kiro eki Noa yaataahiireho omu bwato Haza bo tibarakimanyire okuhitsya obu omwegyemure gwaizire, gukabakukumba; n'okwija kw'Omwana w'omuntu nikwo kuriba.