Mistari Maarufu ya Biblia kutoka Efe 4

Shirikisha

Haakiri mube ab'embabazi, ab'esaasi, kandi musaasirane nk'oku Ruhanga yaabasaasiriire omuri Kristo.

Mugume nimwebundika, nimwecureeza, nimugumisiriza, nimwehangaanirana omuri rukundo

Ekigambo kyona ekirikushiisha kitariruga omu kanwa kaanyu, kureka kibe ekirungi ekirikwombeka, ekirikuhikaana n'ebiriho, kibone kureetera abarikukihurira emigisha.

Obushaarire bwona n'ekiniga n'okuguubwa kubi n'okutongana n'okubeihererana n'eitima biihirwe kimwe omuriimwe.

Ku haakugira ekyabaitsa ekiniga, mwerinde kirekye kubakoresa ekibi, eizooba rikarenga mukikiine. Mutariha Sitaane obwiho.

Mbwenu nu murekye entuura yaanyu ya kare, eyaasiisirwe okwetenga okurimu obugobya, reero emitima yaanyu n'ebiteekateeko byanyu bihindukye bisya. Mugire entuura nsya, eyaahangirwe neeshusha Ruhanga, eri ehikiriire kandi erikwera omu mazima.

nimwezirika kugumyaho obumwe bwa Mutima, mukwatanisiibwe obusingye.

Abamwe akabaha kuba entumwa, abandi kuba abarangi, abandi kuba abarangirizi b'Amakuru Marungi, abamwe kuba abariisa, n'abandi kuba abeegyesa. Ekyo akakikora ngu abarikwera batebeekanisizibwe omurimo gw'obuheereza, haza babone kwombeka omubiri gwa Kristo. N'ahabw'ekyo twena turyahika aha kugira obumwe omu kwikiriza n'okumanya Omwana wa Ruhanga, tukagate, tuhikye aha rugyero rwa Kristo oruhikire.

Reero turekyere aho kuba abaana barikuzongibwa oku n'oku, bakatwarwa buri muyaga gw'enyegyesa y'abantu enyabwengye, abababeihabeihesa obugobya n'oburyarya. Kureka tugire emitwarize y'amazima erimu rukundo. Omuri byona tukurire omuri Kristo oba omutwe.