Mistari Maarufu ya Biblia kutoka 2 Kor 5

Shirikisha

N'ahabw'ekyo omuntu weena ku aba ari omuri Kristo, aba ekihangwa kisya. Ebya kare bihwaho, haza byona bihinduka bisya.

Kristo otakamanyaga kibi, Ruhanga akamuhindura ekibi ahabwaitu, ngu omuriwe tutungye okuhikiirira kwa Ruhanga.

Manya omu magara aga tugyendera omu kwikiriza, kutari okureeba.

Ebyo byona biruga ahari Ruhanga owaatwegarukanisiize omuri Kristo, akatukwatsa omurimo gw'okugarukanisa. Nikwo kugira ngu, Ruhanga omuri Kristo akaba naayegarukanisa ab'omu nsi, atarikubabarira bibi byabo, kandi akatukwatsa obutumwa bw'okugarukanisa.

Reero nu turi entumwa za Kristo, Ruhanga naayehanangiririza omuriitwe. Naitwe nitubeeshengyereza omu iziina rya Kristo, mugarukane na Ruhanga.

Kandi akabafeera boona, ngu abariho barekye kugumaho ahabwabo, kureka ahabw'ogwo owaabafeeraire akabazookyera. Okwiha hati titwakimanyira muntu weena mu buntu. Nobu turaabe twamanyire Kristo omu buntu, mbwenu titwakimumanya tutyo.

Manya rukundo ya Kristo niyo etuhuguura, ahabw'okuba nituhamya ku omwe yaafeereire boona, n'ahabw'ekyo boona bakafa.