Mistari Maarufu ya Biblia kutoka 1 Kor 15

Shirikisha

N'ahabw'ekyo, beene Taata abakundwa, muhame mutarikunyiganyiga; mugumizemu obutoosha kukora omurimo gwa Mukama, nimumanya ngu omuri Mukama okwehenenga kwanyu ti kwa busha.

Kwonka Ruhanga naakasingye otusinguriza omuri Mukama waitu Yesu Kristo.

Murekye kubeihwabeihwa; manya ekigombe kiriisa etaabe.

Kwonka ahabw'embabazi za Ruhanga, oku ndi nikwo ndi, kandi embabazi zi yangiriire tizirabaire za busha. Nangwa nkakora munonga okukira ezo ntumwa zoona; kwonka tiinye, kureka embabazi za Ruhanga eziinyemamu.

Iwe Rufu, obusinguzi bwawe burahi? Iwe Rufu, oruvuri rwawe rurahi? Manya oruburi rwa rufu n'ekibi, kandi amaani g'ekibi n'eiteeka.

Mbwenu ka mbaatire eibanga. Twena titurifa, kureka twena turyahindurwa, omu kaanya kakye nk'ak'okuhumbya eriisho, aha nzamba y'aha muheru. Obwo enzamba eryagamba, abafiire bazoorwe batakijunda, naitwe tuhindurwe.

Manya nk'oku okufa kwareetsirwe omuntu omwe, n'okuzooka kw'abafiire nikwo kwareetsirwe omuntu omwe. Kandi nk'oku boona abaine akarande na Adamu bafa, nikwo boona abaine akarande na Kristo bariba abahuriire.

Manya omubiri ogu ogujunda n'ogw'okuhinduka ogutajunda, kandi omubiri ogufa n'ogw'okuhinduka ogutafa.

Ahabw'okuba Kristo n'ow'okutegyeka, okuhitsya obu ariribatiirira abazigu be boona. Haza omuzigu orihereeruka kucwekyerezibwa ni rufu.