Mistari Maarufu ya Biblia kutoka 1 Kor 12

Shirikisha

Buri omwe areebekyerwamu Mutima ahabw'okugasira boona.

Mbwenu naimwe muri omubiri gwa Kristo, na buri omwe n'orugingo rwagwo.

orugingo rumwe rukishaasha, zoona zikasaasira hamwe; orugingo rumwe rukiheebwa ekitiinwa, zoona zikashemerererwa hamwe.

Omwe Mutima amugambisa eby'obwengye, ondiijo amugambisa eby'okumanya omu buryo bwa Mutima ogwo. Ondiijo, Mutima niwe omwe, amuha okwikiriza; ondiijo, Mutima omwe ogwo amuha ebiconco by'okukiza. Ondiijo Mutima amuha kukora eby'okutangaaza, ondi oburangi, ondiijo okubaasa kumanya omutaano gw'emitima. Ondiijo Mutima amuha okugambira omu miringo y'endimi, n'ondi kushoboorora amakuru g'ezo ndimi.

Ebyo byona bikoresibwa Mutima ogwo omwe, ogabira buri muntu okwe nk'oku arikwenda.

ngu omu mubiri harekye kubamu okutakwatanisa, kureka ngu ezo ngingo zigume zisaasibwane

Mbwenu hariho ebiconco by'emiringo etari emwe, kwonka Mutima n'omwe. Kandi hariho obuheereza bw'emiringo etari emwe, kwonka Mukama n'omwe. Hariho n'okukora kw'emiringo etari emwe, kwonka Ruhanga n'omwe okoresa byona omuri boona.

Kandi hariho abu Ruhanga yaataire omu kigombe ky'abaikiriza: ab'okubanza n'entumwa, aba kabiri n'abarangi, aba kashatu n'abeegyesa, taho abakozi b'eby'okutangaaza, n'abaine obushoboorozi bw'okukiza, n'abahwezi n'abategyeki, n'abagambi b'endimi zitari zimwe.

Manya omubiri tigugira rugingo rumwe kureka nyingi.

Nangwa n'engingo z'omubiri ezireebeka nk'ezitaine maani, nizo zikira kwetengwa.

Omubiri gwona ku gwakuba eriisho, okuhurira kukaaruga hi? Omubiri gwona ku gwakuba okutu, okukaga kukaaruga hi? Kwonka nk'oku kiri, Ruhanga akata engingo omu mubiri, buri rumwe omu mwanya gwarwo nk'oku yaayenzire. Zoona kuri zaabaire orugingo rumwe, omubiri gukaabaire hi?