Mistari Maarufu ya Biblia kutoka 1 Kor 11

Shirikisha

N'ekikopo atyo, ku baaherize kurya, yaagamba ati: Ekikopo eki n'endagaano nsya ey'eshagama yangye. Mugume mukore mutyo mwaba nimuginywa kuunyijukiraho. Manya buri murundi ku murya ogu mugaati, mukanywa n'eki kikopo, muba nimuranga okufa kwa Mukama okuhitsya obu ariija.

Manya eki naahairwe Mukama, naanye nikyo naabahaire ekirikugira ngu Mukama Yesu aha kiro eki yaareebeziibweho, akakwata omugaati; ku yaaherize kusiima yaagucwamu, yaagamba ati: Ogu n'omubiri gwangye oguraaheebweyo ahabwanyu. Mugume mukore mutyo kuunyijukiraho.

Mbwenu, omuntu ayeshwijume, abone kurya aha mugaati ogwo n'okunywa aha kikopo ekyo. Ahabw'okuba orya kandi akanywa ateetaire ha mubiri gwa Mukama, aba ayeriiriire kandi ayenywereire okusingwa orubanja.

N'ahabw'ekyo omuntu weena orirya omugaati ogwo, akanywa ekikopo kya Mukama atashemereire, aryasingwa orubanja rw'okuhagaza omubiri n'eshagama ebya Mukama.

Muntooreze, nkaanye oku ntooreza Kristo.