Mistari Maarufu ya Biblia kutoka Mariko 9

Shirikisha

Kolimokini Yesu nesi, “Ebe kibeikini ijo! Ebeikinosi akiro kijokin kamaka itwan kani ejaasi ka akiyuuni.”

Kodelori papa keng' ka ikoku atipet, kotemari “Ajaasi eong' ka akiyuun, king'araki ejautene kang' loka amamus akiyuun!”

Kedau Yesu akilomo toma otogo, king'isete ikiyakia keng' nesi kawai ebe, “Inyo kikarikina siong' akireng'iar eparait?” Kinyakuni Yesu ebala, “Emam ibore ice ni ireng'iari eparait bala lo emam kerait alipasia bon.”

“Ejokuna abalang', konye kepianaari abalang', ikokini ijo inyakuni ajijim keng' bobo ai?” “Kojaasi ka abalang' kotoma kus, kiboete kakinapakina kokiding' kus.”

“Ng'ini kere ni idiauni ikoku bala eni ko okirori kang' ediau nesi eong'. Ng'ini kere ni idiauni eong', mere eong' idiauni nesi konye idiauni nesi lokejukuni eong'.”

Abeite, kalimokini eong' osi ebe, itwan kere ni kiinakini osi ekikopot loka akipi komatata kanu iraitetere osi lukang', edumuni eropit keng'.”

“Ng'ini kere ni idupori ipe kamaka lucik kalu lu ejaasi ka akiyuun kotoma kang' isomakini aronus, kejokuna ayenikin amoru nakapolon omorising' kitwaan kang'in ka acakakin nesi toma akare.

Kerait akong'u kon nes kidupori ijo isomae aronus, kolema! Ejokuna ijo akilomo toma akijar ijaasi ijo ka akong'u ape akilanya ajaus ka akonyen aare konye kocakakinete ijo toma akimi na emam kedaun.